Hunky Dory

營業中

休息中

午餐喺科學園食，呢間餐廳平時好多人排隊，今日見到冇乜人，一於去試吓。我哋揀咗一個近室外嘅位，望住出面一大片草地，真係好舒服。午餐都好多選擇，有韓式又有西式。我哋嗌咗一個韓式牛肋條飯，牛肋條炆得好淋，好入味。用嚟配飯一流。另外叫咗一個鱸魚配蕃茄青口汁，呢個好鮮味好驚喜。嗌咗一個魷魚圈做小食，炸得好靚份量好大好抵食。不過唔知係咪唔記得落鹽，冇乜味。甜品我哋揀咗一個咖啡味嘅芝士蛋糕，好好食。不過個餅底有啲太厚。