Boring?! (新都會廣場) (已搬遷) 新店位置

雖然筆者也算是半個葵芳地膽，但仍然有很多該處美食待發掘。今晚下班後便和同事好友來到這間「Boring?!」試新野。餐廳位於新都會廣場的2樓，感覺都算寬落。由於近水樓台先得月，筆者和友人6時半就抵達，人流仍未開始出現。份量都頗多。意粉質感偏硬身，因為個人口味關係，這個口感就不太是my cup of tea。意粉掛汁，明太子的鹹香微辣令到整道意粉變得惹味。附有2粒煎帶子，味道香口有彈牙感。燒春雞切成件上碟，方便進食又或和朋友happy share。雞皮烤至香脆，由於釀了香草入內，雞肉十分入味。唯嫩滑度可以再作改善。伴有炸薯粒為配菜，香脆美味。青口大隻彈牙，雖未知是否用新鮮貨，但入口未有雪藏感。配上由白酒等煮成的creamy醬汁，為青口增添一份忌廉香。青蘋果冰茶由果味糖漿、紅茶混合而成。味道就不怎特別，但店員態度值得一讚，雖然飲品因為有糖漿成份而有固定甜度，但也會盡量應要求去做到減甜。