Parkview (新都會廣場) (已結業)

今晚同老公出來自私食慶祝情人節， 情人節成個葵芳新都會都逼爆咗人，所有餐廳都要等好耐， 好彩老公醒目用app訂咗位唔使等!叫咗個節日二人餐$658！個餐送埋紅白酒或香檳！非常欣賞佢嘅餐包！由於係a1 bakery旗下，佢嘅餐包有返咁上下水準。 包係可以揀款嘅，8款包包之中我哋揀咗牛角包同軟包，兩個都好香又好軟熟！ 仲可以揀點麵包嘅醬， 我哋揀咗番茄醬同埋cream cheese。個番茄醬好香但係嘅cream cheese就比較吝嗇，好細舊囉。餐湯係海鮮南瓜周打湯， 幾香濃忌廉南瓜味，入面都算多料都有幾粒蝦肉。仲有肉凍煙三文魚沙律。主菜一：虎蝦青口意大利飯藍青口比較細粒但係都幾嫩， 虎蝦有三隻， 個蕃茄汁做得幾好， 唔似做白汁咁好快會食膩。主菜二： 香煎劍魚腩&美國安格斯牛柳五成熟嘅安格斯西冷燒得剛好但略欠肉汁，都收貨。不過香煎劍魚腩伴香蒜牛油汁實在太油膩，我完全受不了放棄左， 如果吱返啲鮮檸檬汁我諗會易入口啲。配菜燒得好，調味佳！甜品係每人一件Blueberry cheesecake，賣相不錯味道都好好！仲有杯餐茶！經app 訂座仲有7至9折！情人節都有呢啲優惠同唔使等位已經值哂。