影片
更多
2013-02-12
87 瀏覽
早前參加網上遊戲，有幸成為得獎者獲得 Koh Thai 送出嘅四道菜情人節 2 人晚餐 1 份，真係 『泰』浪漫了。餐廳位於灣仔船街嘅嘉薈軒，我坐電車去好方便。嘉薈軒嘅時尚與隔離舊樓形成強烈對比。Koh Thai 在嘉薈軒一樓，可選擇行樓梯或乘電梯，樓梯上花嘅圖案，而兩旁又有可愛嘅小佛像手持電蠟燭。沿梯級而上就是餐廳嘅接待處，左邊是酒吧，右邊有露天雅座，而我哋就揀咗戶內嘅座位。今晚人流很多，而且很國際化，係我哋隔離嘅一檯就係韓國人。長長嘅開放式廚房，可以看清楚廚房嘅運作過程，亦不時看到大廚炒到火光紅紅嘅場面。我哋未夠六點就到達餐廳，因為諗住食完行出去海皮睇煙花。其實餐廳嘅座位以戶外為主，夜晚時分，沒有太陽光，餐廳會開暖爐，加上柔和嘅燈光，給人溫暖浪漫嘅感覺。今日我哋可以品嚐嘅情人節 2 人晚餐係由一月二十四號至二月二十四日供應，$600 二人份量，再加一服務費，價錢尚算合理，而且大家唔駛迫住係情人節當晚去食，係一個不錯嘅選擇。以玫瑰花圖案設計嘅情人節套餐餐牌好靚，未食已經感受到浪漫嘅氣氛。石榴汽酒 (Guavacava Cocktails)餐廳職員為我們奉上餐酒，石榴酒香味四溢，不好酒
餐廳位於灣仔船街嘅嘉薈軒，我坐電車去好方便。嘉薈軒嘅時尚與隔離舊樓形成強烈對比。Koh Thai 在嘉薈軒一樓，可選擇行樓梯或乘電梯，樓梯上花嘅圖案，而兩旁又有可愛嘅小佛像手持電蠟燭。沿梯級而上就是餐廳嘅接待處，左邊是酒吧，右邊有露天雅座，而我哋就揀咗戶內嘅座位。今晚人流很多，而且很國際化，係我哋隔離嘅一檯就係韓國人。長長嘅開放式廚房，可以看清楚廚房嘅運作過程，亦不時看到大廚炒到火光紅紅嘅場面。
我哋未夠六點就到達餐廳，因為諗住食完行出去海皮睇煙花。其實餐廳嘅座位以戶外為主，夜晚時分，沒有太陽光，餐廳會開暖爐，加上柔和嘅燈光，給人溫暖浪漫嘅感覺。今日我哋可以品嚐嘅情人節 2 人晚餐係由一月二十四號至二月二十四日供應，$600 二人份量，再加一服務費，價錢尚算合理，而且大家唔駛迫住係情人節當晚去食，係一個不錯嘅選擇。以玫瑰花圖案設計嘅情人節套餐餐牌好靚，未食已經感受到浪漫嘅氣氛。
石榴汽酒 (Guavacava Cocktails)餐廳職員為我們奉上餐酒，石榴酒香味四溢，不好酒嘅我試咗一啖，飲嘅時間石榴味反而比酒味掩蓋，確係幾有特色。
鮮炸豬肉蝦餅串配泰式甜酸醬 (Tod Mun Poo)Deep fried kebab of crab & minced pork cakes, served with Thai sweet chili dipping sauce
串燒蝦餅賣相很精緻，以環形嘅蝦餅也很少見，大廚用上竹籤串起，有點像食波板糖嘅感覺。蝦餅外表炸得好香脆，入面豬肉蝦餅餡彈牙爽口，亦很有蝦味，丙加上甜酸醬，係很好嘅配搭，是一個開胃嘅小食。
蛋包香炒鮮蝦雞粒 (Loom)Mini pillows of prawns & chicken wrapped in egg lattice
嘩！第一次見蛋包係通花，真係好特別。加上大廚用甜酸醬做了一個心形，賣相精美。雞粒很嫩滑，同鮮蝦嘅質感形成對比。再配上特設嘅醬汁，食落有好清新嘅感覺。
椰青椰汁雞湯 (Tom Kha Gai Mapao On)Chicken & coconut soup served in a young coconut shell
泰國菜嘅裝飾以花花為主，呢個椰青椰汁雞湯賣相一流，未食都覺得好吸引。先飲啖湯，嘩！好好味，椰汁可上各式嘅香料，真係好香，飲落湯好滑，有點酸甜味。
而湯料嘅雞肉都好滑，真係少見，再加上大大塊椰青肉和草菇，真係用料十足，值得推介。
燒三文魚配紅咖哩汁及白飯 (Choo Chee Salmon)Grilled salmon filet served with a red curry sauce & steamed rice
燒三文魚好大件，加上，紅咖哩，紅椒和青豆嘅配料，顏色鮮艷。
三文魚皮燒得很香脫，而魚肉很滑，魚脂肉汁豐富。紅咖哩味道相當不錯，配上白飯，令人愛不釋手。
泰式炭燒羊架配青檸汁及藏紅花飯 (Kae Yang Saffrom Rice)Char-grilled rack of lamb with Esan style lim sauce served on a bed of saffron rice
心心雙印，黃色嘅藏紅花飯很別緻。藏紅花聽聞係最貴嘅香料，要 15000 朵藏紅花先可以收集到 100g 嘅雌蕊柱頭，而每一朵花只係得三個柱頭，珍貴程度可想而知。估唔到紅色嘅藏紅花係可以將食物染上黃色，真係好得意。而炭燒羊架燒得很香，食落都好腍，肉脂分佈好好，肉汁豐富，最重要係沒有羊羶味。
炸香蕉配椰子雪糕Banana fritters with coconut ice cream
平時好少食炸香蕉，香脆嘅外面和軟腍嘅香蕉，食落好特別，加上香濃椰子味嘅雪糕，一凍一熱，一脆一軟，對比強烈。
紅桑子奶凍Raspberry panna cotta
心形士多啤梨，加上甜甜酸酸嘅紅桑子醬汁，啱晒勁鍾意食 Berries 嘅我。香滑嘅奶凍，入口即溶，好正呀！
總括而言，情人節套餐賣相精美，份量適中，食物也很有質素，加上環境氣氛浪漫，確實係一個約會閒談嘅好地方。張貼
