影片
更多
2016-03-11
1953 瀏覽
小編男朋友本身打算book情人節7點枱既，但因為佢太遲先打所以冇哂枱book嚕，唯有walk in啦。咁情人節個日我地就早少少去元朗，6點半左右我地walk in，本身坐門口位置，如果晏少少多人會比人望住食，咁小編就要求轉枱，佢就問我地8點前交枱得唔得，然後就比我地轉左去入面正中間，望住吧枱既正方枱，坐落一陣就成個場full哂，咁都比我地轉枱服務態度不錯。我地個日就叫左個“生煎帶子配葡萄牙黑腸”$120，個汁綠綠地白白地，睇落去好似wasabi，覺得配呢道菜會奇奇怪怪啦，但出奇地好match，個汁似係波菜汁黎，中和左黑腸既咸味，成個感覺帶點fresh。之後我地仲叫左“辛辣蒜茸醬炒走地雞1/4隻”$58，其實即係一隻雞脾，蒜茸同香草配嫩雞簡直絕頂，早知叫半隻雞啦！食西班牙菜點少得西班牙海鮮焗飯，我地叫左個“西班牙辣肉腸及海鮮焗飯”$340，個size完全夠哂飽，所以前菜小食叫2個真係夠，食埋個飯飽到呢，呢個焗飯啲海鮮係青口同蝦，今次佢個飯整得未夠熟，有少少硬硬地，我上次食係軟硬適中，可能個日情人節忙啊。我地仲叫左兩杯mocktails，mango & mint aqua fersca同p
我地個日就叫左個“生煎帶子配葡萄牙黑腸”$120，個汁綠綠地白白地，睇落去好似wasabi，覺得配呢道菜會奇奇怪怪啦，但出奇地好match，個汁似係波菜汁黎，中和左黑腸既咸味，成個感覺帶點fresh。
之後我地仲叫左“辛辣蒜茸醬炒走地雞1/4隻”$58，其實即係一隻雞脾，蒜茸同香草配嫩雞簡直絕頂，早知叫半隻雞啦！
食西班牙菜點少得西班牙海鮮焗飯，我地叫左個“西班牙辣肉腸及海鮮焗飯”$340，個size完全夠哂飽，所以前菜小食叫2個真係夠，食埋個飯飽到呢，呢個焗飯啲海鮮係青口同蝦，今次佢個飯整得未夠熟，有少少硬硬地，我上次食係軟硬適中，可能個日情人節忙啊。我地仲叫左兩杯mocktails，mango & mint aqua fersca同passion fruit slush。
埋單找錢個時，我背住個waitress，佢偷偷地比枝玫瑰花小編男朋友比我suppose只係叫佢地個Valentine's set先有，估唔到佢都比我地，仲要咁有趣比
整體黎講，呢個餐廳食物質素唔錯，態度服務幾nice幾friendly，recommend it!
35 瀏覽
0 讚好
0 留言
張貼
