CAMPSITE (K11 ATELIER) (已結業)

由於無晚市，餐廳只開到6點，今年情人節，係街無晚餐食，唯有食個午餐補數。平時午飯時間，Campsite真係爆到無可能等位，又無得做reservation，今日，仲要情人節，竟然有得book位，現場唔爆，walk in都有少量位，依家啲餐廳真係難做。第一次光顧，餐牌有牛有雞有鰻魚有藜麥，都是套餐型式，有湯有沙律有咖啡茶。當上菜，我真心覺得自己好似去左camping一樣，一個camping用既鋁兜裝住個鰻魚飯，襯埋個鋁咖啡杯既熱齋啡，真係好有camping feel，完全配合到餐廳既名字 Campsite。鰻魚飯味道不錯，價錢合理。另外叫左一個ribeye，唔記得影相，不過質素一樣好，168蚊有呢個牛扒質地，抵死啦！餐廳既員工都好有禮貌，工作節奏同效率都好滿意，值得一讚。