影片
更多
2011-02-17
624 瀏覽
情人節，有單身女性朋友攪單身女人飯局，一行 6 人。另一位朋友建議去佐敦香港童軍中心嘅金陶軒食晚飯，因為之前幫襯過質素不裕！我哋尚未攞枱，侍應要求期中一位填 Form 做臨時會員，純粹做 record 喎！其實為日後宣傳之用。雖然枱與枱之間缺乏一點空間感，但係我覺得坐得都舒服！高背椅掛長褸 fit 哂！ 呢度屬於會所酒樓，感覺比較一般酒樓清靜及衛生！ 朋友發覺大部分食客為中年人，好似我哋係全場最 young 嘅一枱！見到餐牌，菜色精美！價錢合理！其中得獎菜色：紫袍羅漢海龍王 - 以紫菜及蝦為食材，做得好精緻，賣相好吸引！ 盡見師傅心思！當日9~13 度，呢度以瓷器放入蠟燭令熱水保溫，十分周到！同時，又方便了侍應！進食期間，侍應為我哋換咗兩次碟。服務算不錯！我哋點了好幾道菜： 鎮江肴肉最先上枱正是呢碟小食，賣相不錯！令我食指帶動！相信做法相當繁複！豬蹄肉跟啫喱狀嘅凍混合一起，層次分明！有 12 件之多！可惜食起嚟肉質有點實繃繃！虛有其表！ 肴肉不太有肉味，可能被啫喱凍部分鮮甜味掩蓋！ 蘸埋鎮江醋，可增添風味！其實，唔係好多地方做得好！反而，我覺得霞飛做得唔錯！我的食評 - 「霞飛」，可比
另一位朋友建議去佐敦香港童軍中心嘅金陶軒食晚飯，因為之前幫襯過質素不裕！
我哋尚未攞枱，侍應要求期中一位填 Form 做臨時會員，純粹做 record 喎！其實為日後宣傳之用。
雖然枱與枱之間缺乏一點空間感，但係我覺得坐得都舒服！高背椅掛長褸 fit 哂！ 呢度屬於會所酒樓，感覺比較一般酒樓清靜及衛生！ 朋友發覺大部分食客為中年人，好似我哋係全場最 young 嘅一枱！
見到餐牌，菜色精美！價錢合理！
其中得獎菜色：紫袍羅漢海龍王 - 以紫菜及蝦為食材，做得好精緻，賣相好吸引！ 盡見師傅心思！
當日9~13 度，呢度以瓷器放入蠟燭令熱水保溫，十分周到！同時，又方便了侍應！進食期間，侍應為我哋換咗兩次碟。服務算不錯！
我哋點了好幾道菜：
鎮江肴肉最先上枱正是呢碟小食，賣相不錯！令我食指帶動！相信做法相當繁複！豬蹄肉跟啫喱狀嘅凍混合一起，層次分明！有 12 件之多！可惜食起嚟肉質有點實繃繃！虛有其表！ 肴肉不太有肉味，可能被啫喱凍部分鮮甜味掩蓋！ 蘸埋鎮江醋，可增添風味！其實，唔係好多地方做得好！反而，我覺得霞飛做得唔錯！
我的食評 - 「霞飛」，可比較一下！
http://www.openrice.com/restaurant/commentdetail.htm?commentid=2130673
蜆芥薑蔥魚雲煲因為要用油爆薑蔥，呢味菜十分油！確實爆得好香！好惹味！ 魚雲份量不少！而且夠滑！以瓦煲盛住，食到尾仲熱；不過，唯一食剩正是呢道菜！
豉蒜南瓜排骨煲
同是以瓦煲盛住，驟眼看，南瓜好似又硬又實！食落算粉，真不錯！排骨夠腍又夠入味！加入豉蒜一齊煮，惹味非常！令我唔停手夾完一次又一次呀！況且，南瓜健康兼有益！對腸胃有幫助！
沙薑雞有半隻雞，皮爽雞肉嫩滑，而且咸味恰到好處！啱晒鍾意食雞嘅朋友！沙薑汁唔係想像中咁油，以滾油開，做得幾幼滑！起碼唔覺啲沙薑粉漿住。 咸味適中， 不過，沙薑味不太濃烈！
銀魚仔腰果炒三絲看似簡單嘅一道菜，其實要高火快炒芽菜，才可保持爽脆，否則，芽菜會變腍及出水。三絲之中， 芽菜比例最多！還有少許肉絲及紅蘿蔔絲；肉絲係淡味兼被梳打粉醃到白白地。 腰果炸得金黃鬆脆，可惜份量唔多！銀魚仔最後灑上碟，食落都幾咸，與味淡嘅芽菜一齊食，有中和作用！
鮮冬菇枝竹扒小唐菜我發覺大家點了不少有肉嘅菜色，建議叫碟菜。相信這道菜比較竹笙菜苗更好味，恐怕竹笙太淡味，感覺太寡！朋友們不會喜歡。冬菇枝竹扒小唐菜，味道清淡！少油！健康之選！大大隻鮮冬菇切片，較為軟身，尚算入味。枝竹成本低！但係放得太少！ 大約每人一塊！小唐菜一開二，整齊地排列；三種食物顏色配搭，增添一點視覺享受！
窩燒鱆魚雞粒炒飯比預期中大窩！ 主要以鱆魚鬚及雞柳切粒，配料實在少得很！炒飯炒得唔夠乾身！但味道不裕！加入些少蔥粒，無疑可更添香味及滋味！ 食到尾仲係熱熱地，瓦煲比起用碟盛住，更能保溫，值得一讚！
送：木瓜燉雪耳糖水甜品另一選擇係紅豆沙，大家揀哂木瓜燉雪耳糖水，唔係咁甜！適合大家口味！雪耳較軟身，我嫌腍咗些少！加入北杏，北杏細小略帶苦味，南杏比較大粒，兩者煲湯最啱！連衣南杏更為健康！
茶芥：$12 / 位 ( 茶錢認真唔平！)係咁，就過咗一個無情人嘅情人節！
張貼
