品川日本料理 (已結業)

今日約朋友仔一齊食飯，大家都想食放題，之後其中一個朋友就介紹呢間新開既放題餐廳！一入到去環境非常寬敞，坐位都好闊落，最特別係佢真係好有日式餐廳既感覺，有幾間房係和式房，坐軟墊同要除鞋入去既，相當有風味！淨係個環境都抵食啦😆👍🏻👍🏻野食方面，魚生真係無得輸！好新鮮，而且好有魚味，個人特別推介三文魚，帆立貝同甜蝦刺身！帆立貝下大大粒又新鮮，厚切三文魚食落似魚排而且唔肥利（不過注意三文魚的確切得唔薄，特別女仔可能好易飽)😂另外牛肉蛋鍋都高度推介，半生熟肥牛片浸住熱湯呈上，幾分鐘後熱湯浸到肥牛片剛剛熟，食落十分嫩加埋隻生生地蛋，完美配搭！！炸物都有驚喜，炸鮮奶同炸榴連都好好食，高度推介！總括而語，絕對係可一可再既日式放題餐廳！高度評價！😋😋