山野日本料理 (已結業)

情人節出街食飯真係好灰，因為無book位食野，想食好少少嘅餐廳，間間都係得超貴嘅情人節餐，最後行到黎呢間放題，食之前已經話無最易返本嘅海膽同和牛供應，咁都算啦照食。入到去環境都幾闊落，坐底即時畫左好多野。首先上左盤好靚嘅刺身，都算新鮮，另外仲有啲小卷物，都幾好味，不過驚飽就唔叫咁多飯類啦。之後黎左碟炒金菇，細到眼都突埋，唔洗兩啖已經食哂。之後黎第二輪刺身，同第一輪相比細勁多，最不滿係啲串燒同肉類，催咗四五次都未出到，真係火都黎，最後又連出兩盤，激死，不過好在味道ok。總體黎講食物種類太少，每頁得4款左右可以揀，仲要好多都無供應。