La Locanda Italian Cuisine (已結業)

之前經過海港城見到呢間舖頭，好想黎試下佢既食物，所以情人節就同男朋友黎撐枱腳啦。情人節我地一早book左位，夜晚只係得一個full course揀，無得單點食物，但係質素真係唔錯！我地叫左兩杯香檳，同有餐包，香醋，olive oil供應。首先上左三個前菜，每個前菜都好食，唯獨係份量都好大，兩個人食完都幾飽。然後主菜係三揀一，我地揀左牛面頰肉加薯蓉。個肉本身已經好嫩滑，入口既化，薯蓉好夠味。甜品係tiramisu同tarta tartin(應該係apple pie)，因為個人好鐘意食肉桂，所以個apple pie真係食完想再encore!餐廳既食物質素好好，不過係侍應態度一般，叫好耐都無人落單，除左呢樣今餐係100分！