Arte by Padaria

營業中

休息中

今日經過海港城嘅時候見到呢間Arte by Padaria，原來佢除咗K11 Artmall之外仲有喺海港城開咗。除咗有主打香港首創鹹甜點藝術品法式可頌夾心球之外，仲有手工創意曲奇。不過我就俾佢嘅創意慕絲撻系列吸引咗，因為真係整得好靚就買咗兩件。🌹迷你歌劇 咖啡朱古力歌劇蛋糕應該係因為情人節嘅關係，所以加咗一朵玫瑰糖花喺上面好靚。Opera cake 睇佢個外表都知道有六至七層，有咖啡mousse、朱古力同埋蛋糕layer。一食落去會食到少少咖啡嘅苦澀味又有朱古力嘅甜味，再加上濕潤質感嘅蛋糕係多重口感。❤️唯一的愛 法式蘋果杏仁撻睇個名都知道一定係男朋友送俾女朋友，玫瑰花超大朵。有一層蘋果粒粒嘅啫喱，再下面就係杏仁撻，唔會太甜都幾好食。