鐵皇日式鐵板燒 (已結業)

2月14日, 又情人節又初一, 又要拜年但又想同男朋友食第一餐情人節飯… 好想食一餐又好味又非一般既晚餐… 所以我一早book左鐵皇, 仲要夜d先去, 等冇咁多人先丫嘛~~嗰晚同男朋友一齊拜完年之後, 就去過我地既二人世界啦, 鐵板師傅仲好有心思咁, 為我地兩個點左支爉燭, 好浪漫^^ 由於食左d年糕蘿蔔糕, 唔算太肚餓, 就點左以下美食啦:泰國大虎蝦 – 好新鮮好爽口, 又多糕, 我男朋友讚口不絕鐵板鮑魚仔 – 雖然話鮑魚仔, 但都幾大隻下架, 個汁加埋鮮鮑魚, 正~清酒煮大蜆 – 未食過鐵板燒既酒煮蜆, 煮既過程好好睇之餘, 連唔識飲酒既我, 都可以將d湯飲哂, 個湯冇酒味, 而且好甜, 冇得頂!安格斯薄燒 -- 4成熟既牛肉, 包住炸香左既蔥蒜, 點少少汁, 好食到我同男朋友都唔出得聲~~松零燒鰻魚 – 花左成個鐘去制作, 師傅好有心機, 慢慢燒, 我男朋友唔食魚架, 但都食完一舊又一舊, 哩個菜師傅話唔係成日整, 我地嗰日走運啦~~羊肉炒飯 – 望落好似牛肉既肉粒, 對佢冇抱咩祈望, 因為我對羊好高要求… 薯不知, d羊肉好香, 好有羊味, 我食左兩大碗, 哈哈~好滿足既一餐,