影片
更多
2022-02-10
1042 瀏覽
自從禁左晚市堂食之後，已經好耐冇食好西喇T_T加上晏晝真係冇咩時間嘆，日復日都係食頹餐，已經食到好麻木。臨近情人節，點都要食番餐好嘅賀一賀佢，今次去咗馬灣避一避世。我哋黎到挪亞方舟豐盛閣嘆early dinner，呢邊對正海灘同青馬大橋，望住個View都覺得賞心悅目！ 2月限定Menu，主菜有幾款選擇，除咗有得Dining仲送熊啤啤DIY Workshop，加錢可以整埋夢幻夜燈，同另一半增添甜蜜回憶。不過食物先係今次重點，想Chill緊係要食得好！前菜分別有沙律同餐湯。龍蝦仔燒南瓜沙律，冷盤嘅冰涼口感，充滿南瓜香味，被南瓜蓉圍繞住嘅龍蝦仔彈牙。牛肝菌蟹肉忌廉湯，香濃易入口，充滿濃濃忌廉味道，當中有豐富蟹肉，令整體更鮮甜可口。香煎美國肉眼配黑醋雜菌醬，嗌左七成熟，周圍淋滿黑醋雜菌醬，味道酸甜開胃，旁邊仲有芥末醬，肉眼煙韌，配上醬汁食落去有種漢堡扒嘅味道， 味道豐富。香料焗西班牙黑毛豬鞍配椰菜花芝士醬，香焗豬鞍賣相已相當吸引，口感鬆軟，連同脂肪一齊食，可以中和豬鞍本身偏乾嘅口感，配上芝士醬亦有另一種風味，令整體更香口！紅桑子朱古力心形餅配法式燉蛋，百利酒棒棒糖，慶祝情人節點少得甜品呢～呢
加上晏晝真係冇咩時間嘆，日復日都係食頹餐，已經食到好麻木。
臨近情人節，點都要食番餐好嘅賀一賀佢，今次去咗馬灣避一避世。
我哋黎到挪亞方舟豐盛閣嘆early dinner，呢邊對正海灘同青馬大橋，望住個View都覺得賞心悅目！ 
2月限定Menu，主菜有幾款選擇，除咗有得Dining仲送熊啤啤DIY Workshop，加錢可以整埋夢幻夜燈，同另一半增添甜蜜回憶。
不過食物先係今次重點，想Chill緊係要食得好！前菜分別有沙律同餐湯。
龍蝦仔燒南瓜沙律，冷盤嘅冰涼口感，充滿南瓜香味，被南瓜蓉圍繞住嘅龍蝦仔彈牙。
牛肝菌蟹肉忌廉湯，香濃易入口，充滿濃濃忌廉味道，當中有豐富蟹肉，令整體更鮮甜可口。
香煎美國肉眼配黑醋雜菌醬，嗌左七成熟，周圍淋滿黑醋雜菌醬，味道酸甜開胃，旁邊仲有芥末醬，肉眼煙韌，配上醬汁食落去有種漢堡扒嘅味道， 味道豐富。
香料焗西班牙黑毛豬鞍配椰菜花芝士醬，香焗豬鞍賣相已相當吸引，口感鬆軟，連同脂肪一齊食，可以中和豬鞍本身偏乾嘅口感，配上芝士醬亦有另一種風味，令整體更香口！
紅桑子朱古力心形餅配法式燉蛋，百利酒棒棒糖，慶祝情人節點少得甜品呢～呢個甜品拼盤好有心思，有三款甜品同一粒士多啤梨，擺盤已經充滿浪漫氣氛，
心形餅入口軟綿綿，內裡有玫瑰醬餡，香甜可口！
百利酒棒棒糖，酒心朱古力，一咬落去百利酒溶於口中，甜度適中，蘊讓住一種浪漫嘅甜蜜感覺。
法式燉蛋，焦糖配上燉蛋，食落去脆口又香甜，甜而不膩，想一食再食嘅感覺！望住個海景食野真係有種嘆世界嘅感覺，食飽飽仲可以去海邊行下，感受一下大自然～
張貼
