The Luxe Seafood Bar & Resto (已結業)

今年情人節同HONEY 去左朗豪坊The Luxe Seafood Bar & Resto慶祝。上到去周圍都好多人，好彩HONEY醒目一早就訂左枱，唔洗等^_^。餐廳門口華麗及古典，入去坐低叫左個2人情人節餐$1188有6個COURSE，以呢日嚟都唔算貴。先來一個小食「意式烤麵包」麵包上海膽牛油加埋魚子醬，好味，感到好開胃。Appetizer有「焗蠔」，一心以為同平時差唔多咁，呀，原來半生熟，有4 隻每人2隻。跟住食First course「Breakfast In Bed」，晚上食早餐，感覺好奇怪，味道還OK, 不過我地就唔係太鍾意。Second course 有「海膽藍蟹肉寬長蛋麵」，藍蟹肉加海膽醬及秀珍菇配上寬條面，口感鮮味豐富，寬麵上嘅白汁入口味道濃香充足，食落唔覺膩，值得一讚。嘩…終於到主菜出場啦，我地選擇咗「和牛西冷扒」，和牛味濃，肉質鮮嫩，配上香濃松露薯蓉，兩者恰到好處。最後食埋甜品「Crème Brûlée」，HONEY 話呢餐飯好滿足….我諗下次會試下佢地嘅海鮮，因為見到門口有個SEAFOOD BAR 有多款新鮮生蠔﹑龍蝦﹑車厘蜆等等。總括嚟講，價錢同食物質數成正比。