影片
更多
2020-02-10
1563 瀏覽
近排home office，真係好少出街，但係飯點都要食嘅，尤其嚟緊星期五係情人節，今年嘅情人節餐廳訂枱應該冇以往咁困難，如果想搵個有情調、價錢合理嘅餐廳撐枱腳，可以諗下去蘭桂坊嘅Westwood Carvery。呢間餐廳雖然已經嚟過好幾次，但每次都有驚喜。我同老公特別鍾意佢嘅小食同埋牛扒，當然仲有餐廳嘅招牌意粉，份量同味道都好適合兩口子浪漫晚餐。首先要介紹呢個小食 Fisherman’s Crab Cake，蟹餅外層煎得香脆，切開見到好多蟹肉、仲有洋蔥、薯蓉、香料，我通常都會擠啲檸檬汁，更加清新惹味，真係一試難忘。除咗蟹肉餅，另一款「熱氣」選擇Fried Calamari都係我嘅最愛，脆卜卜嘅魷魚圈，配上蒜蓉蛋黃醬，真係食完生暗瘡都抵！主菜方面，我同老公都好鍾意呢個Slow-roasted Beef Short Rib。我本身唔係好鍾意食生肉，因為怕血淋淋嘅感覺，但牛肉太熟又會好乾。不過呢度嘅牛扒完全冇呢個問題，無論火候同肉質都控制得剛剛好，而且廚師已經細心將牛扒去骨，配埋秘製肉汁，真係食指大動。最後，仲有我哋由第一次幫襯開始，每次都要食嘅海膽意粉Canadian Sea Urchi
呢間餐廳雖然已經嚟過好幾次，但每次都有驚喜。我同老公特別鍾意佢嘅小食同埋牛扒，當然仲有餐廳嘅招牌意粉，份量同味道都好適合兩口子浪漫晚餐。
首先要介紹呢個小食 Fisherman’s Crab Cake，蟹餅外層煎得香脆，切開見到好多蟹肉、仲有洋蔥、薯蓉、香料，我通常都會擠啲檸檬汁，更加清新惹味，真係一試難忘。
除咗蟹肉餅，另一款「熱氣」選擇Fried Calamari都係我嘅最愛，脆卜卜嘅魷魚圈，配上蒜蓉蛋黃醬，真係食完生暗瘡都抵！
主菜方面，我同老公都好鍾意呢個Slow-roasted Beef Short Rib。我本身唔係好鍾意食生肉，因為怕血淋淋嘅感覺，但牛肉太熟又會好乾。不過呢度嘅牛扒完全冇呢個問題，無論火候同肉質都控制得剛剛好，而且廚師已經細心將牛扒去骨，配埋秘製肉汁，真係食指大動。
最後，仲有我哋由第一次幫襯開始，每次都要食嘅海膽意粉Canadian Sea Urchin Carbonara，餐廳從來都唔會吝嗇，每次都畀大大件鮮甜海膽，撈埋啲意粉，真係每一啖都充滿着海洋嘅美味，香濃美味。
如果你仲未諗到今年去邊度慶祝情人節，不如試吓喺呢度撐枱腳啦！
張貼
