我的意大利廚房 (已結業)

情人節梗係要食好少少啦！搵到呢間好評高既意大利餐廳，6:30已經到餐廳比原定早了一個鐘，所以都未見滿座，餐廳有2層，環境寧靜，光線較得好好！樓梯間旁都放有小蠟燭同玫瑰花花瓣，佈置確實好浪漫！當日只有情人節套餐，餐前酒比紅酒同白酒較有酒味。前菜個多士夠脆。湯就得半碗！巴馬火腿味道不錯，唔太咸，算大塊！主菜只有2款，牛柳同比目魚，牛柳都符合要求熟既程度，不過凍的比目魚比較好味！甜品真係好甜，無咩朱古力味黑松露咖啡非常香期間侍應送左1支玫瑰花🌹Fine dining 來講侍應服務質素認真麻麻，落單求其，無問清楚牛柳幾多成熟要求，上餐時候整瀉枱面芝士粉，當睇唔到走左去，sorry都無句，張枱佈置得幾靚都被佢破壞晒😔湯同頭盤都未食完，就上埋個主菜，完全無留意食客進度，重點係張枱又細，根本放唔落，侍應淨係企係度望住張枱！我地要求遲少少上，個侍應先黑晒面拎走d主菜☹️，好似趕人走咁，如果趕頭趕命食，我就會去快餐店啦！