影片
更多
2009-02-18
8 瀏覽
情人節dinner是非常不滿意的 一定要俾喊臉Wildfire係我同男朋友一齊睇雜誌時一致決定的, 見個情人節menu幾好價錢又唔貴, 6點-8點時段$254, 8點後每位$298;而且雜誌仲話每位女士仲會獲贈情人節禮物一份添!! (最後係無既)我地一個禮拜前book左6點, 不過無晒窗口位了睇唔到海景,9號已經要交定300蚊deposit喇`餐廳裝潢modern, 環境暗暗的幾有情調, 我地坐係角落自成一閣都不錯情人節set dinner包括: 頭盤+湯+汽酒+主菜+甜品+咖啡茶煙三文魚伴蟹肉西柚沙律賣相好靚, 亦係全晚唯一滿意的一道菜煙三文魚做成波波形狀, 而且唔腥;波波入面係軟腍中東米+爽脆青瓜紅蘿蔔, 好好味連埋紅酒醋+西柚沙律一齊食, 酸酸甜甜好醒胃=)但我同男朋友都唔覺有蟹肉`椰菜花湯配水欖多士個湯似薯仔湯多d, 飲到好多薯仔蓉, 無椰菜花味, 但味道幾好;水欖多士我地無喎, 飲既時候唔醒起menu入面有多士, 睇返雜誌先知!!我地飲完湯等主菜果陣, 見到侍應捧住有水欖多士既湯去隔離枱囉!!!之後見到每一枱個湯都有塊包… 哼, 塊包竟然俾漏左我地Yellow Tail Ro
情人節dinner是非常不滿意的 一定要俾喊臉
Wildfire係我同男朋友一齊睇雜誌時一致決定的,
見個情人節menu幾好價錢又唔貴, 6點-8點時段$254, 8點後每位$298;
而且雜誌仲話每位女士仲會獲贈情人節禮物一份添!! (最後係無既)
我地一個禮拜前book左6點, 不過無晒窗口位了睇唔到海景,
9號已經要交定300蚊deposit喇`
餐廳裝潢modern, 環境暗暗的幾有情調, 我地坐係角落自成一閣都不錯
情人節set dinner包括: 頭盤+湯+汽酒+主菜+甜品+咖啡茶
煙三文魚伴蟹肉西柚沙律
賣相好靚, 亦係全晚唯一滿意的一道菜
煙三文魚做成波波形狀, 而且唔腥;
波波入面係軟腍中東米+爽脆青瓜紅蘿蔔, 好好味
連埋紅酒醋+西柚沙律一齊食, 酸酸甜甜好醒胃=)
但我同男朋友都唔覺有蟹肉`
椰菜花湯配水欖多士
個湯似薯仔湯多d, 飲到好多薯仔蓉, 無椰菜花味, 但味道幾好;
水欖多士我地無喎, 飲既時候唔醒起menu入面有多士, 睇返雜誌先知!!
我地飲完湯等主菜果陣, 見到侍應捧住有水欖多士既湯去隔離枱囉!!!
之後見到每一枱個湯都有塊包… 哼, 塊包竟然俾漏左我地
Yellow Tail Rosé sparkling wine
用黎伴主菜的粉紅色汽酒, 好多bubbles, 易入口, 味道不錯
威士忌汁牛柳配椰菜卷及大蒜薯餅
一上菜我先醒起頭先侍應無問我牛柳幾多成熟!!!佢無問我又唔記得講`
望住塊咁厚既牛柳…好擔心…如果熟晒我點食…
牛柳一切開, 呆了, 真係全熟!! 丁點粉紅色都無
汁亦無威士忌味, 似平時的磨菇汁多d…
牛柳熟晒之餘, 肉質仲好鞋好un 好辛苦先切到+食晒成舊><
椰菜卷好難食, 無乜調味, 似就咁搵水淥, 卷入面粉狀物體係咩我唔知;
大蒜薯餅…雜誌講到外脆內軟…結果係一pat勁腍薯蓉而且無乜調味`
香煎石班配西芹黃金包及法式海鮮汁
我既主菜差, 男朋友的更差!!!
我食左佢一啖半煎炸既魚, 又係熟晒, 好鞋,
西芹黃金包係似一粒炸雲舌, 入面大多數係蘿蔔絲, 味道好淡
法式海鮮汁又係勁淡, 味道似淡雞湯
唉, 全晚最差的竟然係2個主菜
朱古力蔥絲沙巴翁配士多啤梨雪糕
賣相幾靚, 咬左一小啖面頭既拔絲糖漿, 哈哈硬到差d咬崩牙
士多啤梨雪糕幾香滑,味道比HD酸,有少少果肉,食唔出邊度出品, 我嫌太細舊;
朱古力慕絲超級滑, 但用左milk choco所以較甜, 係愈食愈甜!!!
唔太鐘意食甜野既男朋友不停話好漏好漏好漏``
夾在中間既2塊朱古力薄脆片, 味道一般
對沙巴翁一向無好感, 此沙巴翁味道怪異,有陣怪酒味,男朋友話好難食
對食物唔滿意之外, 餐廳連禮物都俾漏左!!! 我竟然返到屋企先醒起!!!
照計我地7點9埋單, 唔會咁快送晒掛…唔知果份究竟係咩禮物呢….?
不過算數啦, 橫店男朋友已送了2份靚靚禮物俾我=)
食完呢餐飯, 感覺被雜誌既靚相同埋介紹迷惑了.
埋單成600蚊, 好唔抵, 不過情人節餐就係咁掠水架喇``
食得好唔開心, 一定要俾喊臉 T^T
下年情人節, 我要自己親自炮製一個情人節大餐俾男朋友食!!!
張貼
