韓林韓國料理 (已結業)

嗌咗個燒烤套餐。牛肉有雪花紋，另外有一個一口牛係我自己加嘅，真係絕頂，超多肉汁，好嫩，係值得加嘅。推介！！👍🏻👍🏻豬梅頭又係正，成塊扒上，但係就咁食就膩咗啲，要同埋生菜食，五花腩同樣要包，加埋泡菜就會爽啲，又會冇咁膩。牛肉我就冇包菜，就咁都已經好好食，又係肉汁係個口到Bit哂出嚟😋。-所有肉都係冇醃，齋食原味，少咗啲醃料汁，煙都少啲，身上嘅燒烤味都少啲。-雖然佢係韓國餐廳，但係就有港式奶茶，意外地好飲，好飲過啲茶記，用黑白淡奶係唔同啲。-順便一提，佢嘅前菜(泡菜超正！！包生菜一流)同生菜都應該係免費添，我地添完幾次都冇加過我地錢。