Undici

營業中

休息中

呢個係chef's choice黑松露味適中，有香味，唔會蓋過其他食物嘅味道。意粉軟硬度適中，唔會腍啤啤，又唔會好硬。但整體嚟講成碟意粉味道偏淡。原來豬手下面有飯，但佢加咗蒜頭，令唔食蒜頭嘅我覺得有陣味。豬手煮得好腍，唔會好似傳統德國咸豬手咁乾咁硬，配咗日式燒汁，味道幾香。但食落有啲似泰式滷水豬手，所以個味道唔會令人覺得特別。不過日式燒汁配埋個飯估唔到幾夾幾好味，將豬手味帶咗落個飯度。整體嚟講係好食易入口。加$48 就有餐湯餐飲同蛋糕我哋揀咗呢個朱古力芝士蛋糕，係成餐飯最鍾意！呢個蛋糕嘅朱古力味好濃好出，食耐少少仲有陣阿華田味道，又唔會蓋過芝士蛋糕嘅味，兩者嘅味道好夾。