Sense Dessert Cafe (已結業)

食完情人節晚飯，就上openrice睇下甜品食咩好，一search就搵到呢間份子料理甜品店。之前睇過電視介紹呢間店出名「食泥」，所以就點一個Tiramisu味既泥盆栽同埋一個「富良野牛乳抹茶布甸配紅豆茸」試下。盆栽既賣相好吸引，味道方便酒味濃郁，如果鍾意酒既朋友應該會好鍾意呢個甜品，芝士都好幼滑，我個人好鍾意佢個手指餅唔會「林曬」而且味道岩岩好。反而個人比較欣賞「富良野牛乳抹茶布甸配紅豆茸」，抹茶布甸既密度相當高，食落去有頗濃既綠茶香味，布甸本身質感唔會太軟同散，個人認為係我食過既布甸中最好食，布甸表面有許黑糖漿中和綠茶既味道。再配唔係好甜既紅豆茸，配合度可以話係100%。