影片
更多
2023-02-09
691 瀏覽
琴晚同朋友去咗K11 Musea 既一間叫做Velo Italian Bar & Grill 既餐廳食飯，本身我地都諗住食SemiBuffet，但2個女仔食唔落咁多野，所以決定嗌個ALC Menu 就算。我地分別叫左2個starter 同2個main 大家share食。Starter 分別係Crab and Avacado Salad 同Melon with parma ham.好少係街食到大份兼好食既Crab Salad，而呢到就做到。Crab Avacado Salad 用咗泰國香料醃製配上檸檬汁，但又唔會搶咗蟹肉既鮮甜味，真係值得嗌呢個starter 嚟試試☺️Melon with parma ham 就不過不失，但有啲地方會配赤肉蜜瓜有啲地方就會配青肉蜜瓜，唔知呢2款食落有無分別呢。Main 方面，叫咗一個Spaghetti Nero同Grilled Mix Seafood，中意食海鮮既朋友仔唔可以錯過Grilled mix seafood，488有蝦有蜆又有三文魚仲要有最中意既帶子。帶子真係好難煮得啱啱好，而呢到就恰到好處，唔會煎得過熟，外表香脆內裡軟甜☺️而Spaghetti
我地分別叫左2個starter 同2個main 大家share食。Starter 分別係Crab and Avacado Salad 同Melon with parma ham.
好少係街食到大份兼好食既Crab Salad，而呢到就做到。Crab Avacado Salad 用咗泰國香料醃製配上檸檬汁，但又唔會搶咗蟹肉既鮮甜味，真係值得嗌呢個starter 嚟試試☺️
Melon with parma ham 就不過不失，但有啲地方會配赤肉蜜瓜有啲地方就會配青肉蜜瓜，唔知呢2款食落有無分別呢。
Main 方面，叫咗一個Spaghetti Nero同Grilled Mix Seafood，中意食海鮮既朋友仔唔可以錯過Grilled mix seafood，488有蝦有蜆又有三文魚仲要有最中意既帶子。帶子真係好難煮得啱啱好，而呢到就恰到好處，唔會煎得過熟，外表香脆內裡軟甜☺️
而Spaghetti Nero 就有少見既三文魚籽同泰國辣汁做sauce，食到好開胃，就算我地掛住傾計講野，唔小心將個麵放到凍晒食翻都唔會太油膩🥲仲可以食到見底！
話說女仔對甜品真係無法抗拒，直頭多左第二個胃，去到甜品呢part ， 盡情地叫左幾款蛋糕黎食，每樣個樣都好吸引。打響頭炮先試試碗tiramisu先。因為我同fd子都係tiramisu控黎。佢上到黎原來都幾大杯下。如果你食個main食得好飽既話嗌埋呢個tiramisu應該都夠。佢既tiramisu係比較輕盈，食落去唔會好重負擔，有Espresso既香配埋手指餅，都係好濕潤好滑，成杯我地食到乾乾淨淨～～
去到甜品拼盤，首先試左黃色呢款sweet mango mousse cake ，一食落去真係好香甜芒果味，加上慕士入口好順滑，清新好fresh既感覺。之後試埋橙色呢個柚子mousse cake， 佢係白朱古力脆脆外皮包住啲有少少柚子味既芝士mousse， 食落去好creamy， 芝士味好出， 不過食左呢個之後我朋友就話開始有啲飽既感覺～
紫色既香芋蛋糕都係推介， 佢入面係淡淡清香既香芋mousse蛋糕，十分之正，如果中意香芋既野一定唔可以錯過！
另外食埋兩款朱古力蛋糕，一款圓形既係rum chocolate tart ，另一款長條形六層朱古力蛋糕，一食落去真係不得了，好濃厚既朱古力味， 層次感好足，入落口都係好香既可可味，之前都好驚啲朱古力類甜品會太甜太膩漿住個口，呢兩款完全唔會，如果大家都中意食朱古力既話，呢個都大推要試試。
張貼
