紅茶館 (已結業)

路過呢間餐廳無數咁多次，點都好，總要在炒魷魚之前都要幫襯一下次。這裡位處內街，其實又點會有人行街路過丫，所以，來得呢度都係專誠來捧場的。午市時間到來，坐了約7成客，環境舒適座位夠闊，仲有體育台睇，好正，加埋free wifi，超適合我呢d單丁人士。忌廉湯唔係杰身，但味濃，亦有少少磨菇碎，幾好味，牛扒好大塊，肉稔，牛肉味就普普通通啦，黑椒汁好濃，加埋條腸好似好抵，但其實唔多夾，配菜是薯溶，唔係薯條我少少失望，但味道和口感都正常。整體來說呢度食午餐有水準，加埋環境配套，值得一試。