Couple's Kitchen (已結業)

情侶們好多時都會為食咩而搞盡腦汁，今次來到元朗，唔洗唸咁多，有間叫couple’s kitchen就岩曬情侶們拍拖拖食好西啦。餐廳門口有種歐陸風味，而裡面環境裝潢比較清新，簡潔，坐入去都覺得有種舒適感。事不宜遲我們就點野食，聽聞呢度焗非洲雞好好食，就單點了一份焗非洲雞，又再點了8oz 的香煎紐西蘭肉眼排7成熟（套餐），套餐就會有前菜，野銀同埋小食，我就簡左沙拉同花椒雞翅。沙拉其實沒咩特別，同其他餐廳唔同既係個sauce , 係特別開胃好似係柚子汁，花椒雞翅做得香脆，保持應有水準。先想講下個肉眼排，係好食既，應有的7成熟，肉質靚，真材實料已經可以整得好好食。不得不提重頭戲非洲雞，焗得又香又嫩，最緊要個花生醬溝唔知咩醬，好似咖喱的感覺但不是咖喱汁，係好好食的雞，值得一試。呢度唔趕又坐得舒服，食飽飽後，最後試埋個甜品係馬卡龍同小泡芙，飲埋杯咖啡慢慢嘆啦。