Espuma (QRE Plaza) (已結業)

週年紀念日，男友揀咗呢間餐廳同我慶祝🪅佢話呢個下午茶有意思-「有你相伴，世界便是我們的寶藏庫」和「環遊世界」嘅概念！一坐低就見到個地圖，原來係menu嚟嘅！但啲字好細隻，要用餐廳提供的放大鏡，係不同板塊尋下寶，就會知道有咩好食。下午茶賣相好靚，好似一個水晶球🔮牛肉焦糖洋蔥薄脆多士豐富的餡料，迷你多士好的骰~爆趣芝麻英式鬆餅配鮮忌廉及果醬香甜的鬆餅多咗芝麻香，有少少似食緊芝麻曲奇椰絲照燒雞鎚椰絲增加酥脆效果，多數係蜜糖醬，用椰絲代替蜜糖都幾有創意！炸墨汁卷泰式辣醬墨汁香腸彈牙又有墨魚鮮味。青檸七味蝦撻我最鍾意嘅撻，因為帶點清新，底部係有啲菇粒，喜歡呢個配搭。鮮果蛋白卷有奇異果、紅莓等新鮮水果冰糖提拉米蘇好吸睛！用mousse 、士多啤梨整到好似冰糖葫蘆，而且第一次食提拉米蘇係士多啤梨味，唔係咖啡味。薑汁忌廉抹茶芝士餅唔太食到薑汁味，抺茶味較突出我哋加咗$15升級貴妃荔枝茉莉茶&玫瑰咖啡☕️見到好多人推介辣味蟹肉撻，我叫多一個小食🤪曲奇皮內有不少蟹肉，bb辣，少少惹味~食完之後可以到鄰近灣仔歷史建築，包括藍屋、囍帖街、和昌大押等。