影片
更多
2016-05-05
6134 瀏覽
減壓不外乎食•買•玩•HEA。除旅行之外，最喜歡就係同女仔friend 歎住個high tea 一齊hea 下輕輕鬆鬆傾下計。自從去過一次四季The Lounge 後，呢度變成我最愛high tea 的地點之一。與不同朋友試過其他high tea 地點，如 Mandarin oriental 的 Clipper Lounge 或 MO bar 總是失望而回（食物/服務）。結果就係相約下一次來四季high tea 補返數...難怪呢道長book 長爆。總係忍唔住先食咗scone 才食鹹點 呢度的scone 入口鬆軟不乾硬，富牛油香，配上cream 同兩款果醬味道更有層次感。鹹點一般都是配角，但一啲都唔馬虎。每次款色都不同，今次比較出色的是那個魚子醬糕點，入口淡淡creamy 鹹香而且包仔亦夠鬆軟。基本上各鹹點/三文治的麵包都無出現我喺某啲high tea 食到那些變靭或乾淨淨鞋拾拾的情況 今次額外送比我地的朱古力甜品令我地甚有驚喜。本身對Nutella 好有情意結(好鐘意餅條配朱古力醬)，只係望到個樣已好有好感。餅條十分特別，我地一致認為味道好似迷你脆版的油炸鬼，鹹鹹地夠香脆，配上帶
自從去過一次四季The Lounge 後，呢度變成我最愛high tea 的地點之一。與不同朋友試過其他high tea 地點，如 Mandarin oriental 的 Clipper Lounge 或 MO bar 總是失望而回（食物/服務）。結果就係相約下一次來四季high tea 補返數...難怪呢道長book 長爆。
總係忍唔住先食咗scone 才食鹹點 呢度的scone 入口鬆軟不乾硬，富牛油香，配上cream 同兩款果醬味道更有層次感。
鹹點一般都是配角，但一啲都唔馬虎。每次款色都不同，今次比較出色的是那個魚子醬糕點，入口淡淡creamy 鹹香而且包仔亦夠鬆軟。基本上各鹹點/三文治的麵包都無出現我喺某啲high tea 食到那些變靭或乾淨淨鞋拾拾的情況
今次額外送比我地的朱古力甜品令我地甚有驚喜。本身對Nutella 好有情意結(好鐘意餅條配朱古力醬)，只係望到個樣已好有好感。餅條十分特別，我地一致認為味道好似迷你脆版的油炸鬼，鹹鹹地夠香脆，配上帶甘的chocolate sauce 非常讚！
終於食到最上層的甜品！當中以紅豆抺茶同草莓蛋糕仔最出色（申利：本人是抺茶控 !)抺茶味夠香濃，加上紅豆亦未有過甜之感。
雖然話就話女人有第二個胃食甜品，但我地三個全部都唔能KO 最後的朱古力餅...雖然都好好味...
張貼
