梅光軒

營業中

休息中

作為一個拉麵控，係會有自己特別偏好，梅光軒就是最喜愛的一間，之前一直去開都係銅鑼灣，今次就試下係aeon入面既分店，次次都係食醬油拉麵，今次就試麻辣麵，原來都係有分醬油，鹽味同埋味噌，死硬派都係會揀醬油，湯底同樣出色，唔會太咸，成碗麵既亮點係中間一既麻辣醬，以為好油，但食落真係唔覺油，有別於平時食既麻辣湯底，唔太辣，亦沒有麻，辣味絕對適中，配料非常豐富，有好多粒既叉燒，肉質軟淋，唔會“鞋”，半隻既流心蛋絕對係一絕，仲有芽菜，木耳，一碗份量相當大，好滿足，其實只要搵到自己鐘意既一間拉麵店好容易，但要搵到一間每次去都保持水準，其實好難，暫時我自己認為只有梅光軒做到。