影片
更多
2018-10-31
520 瀏覽
一早訂咗枱諗住同好朋友食返餐FINE DINING但可惜對方要OT唔知幾點先收得工,所以就同媽媽一齊食餐好，當係順便預祝佢生日(其實係揾佢夾腳...唉)。因為媽媽唔飲所以點咗兩個8 COURSE SET慢慢嘆，談吓心。坐低先送上幾款HOMEMADE BREAD配風乾蕃茄醬。味道酸酸幾開胃。頭盤先係煙燻北海道八爪魚。賣相十分精緻吸睛，侍應見我地攞定手機仲特登放慢揭蓋速度，讓我地影餐飽，哈哈。煙霧迷漫嘅效果真係好得。而且結實肉質散發淡淡煙香味，睇得又食得唔錯。意大利餃子。淡淡嘅野菌混合肉碎及奶油，加上餃皮軟薄。作為略墊肚子嘅一道啱啱好。之後係波爾多牛肉他他。熟成牛肉肉味香濃，切得細碎之餘仍有咬口，配上山葵／黑醋／紅菜頭／牛油果醬汁清爽得黎又略帶辛辣，味道豐富又醒胃。墨西哥凍湯。又係一道吸睛菜式，湯碗底下放置大量乾冰一方面保持凍湯温度，另一方面增添造型弔起食慾。因為用上蜜瓜／希臘乳酪／青瓜，以飲落酸甜又有少少果香。透心涼嘅感覺幾唔錯。香煎法國鵝肝。鵝肝煎得啱啱好，兩面焦香而中心軟滑，少少羶味伴以南瓜茸十分可口，而沾上一點旁邊黑醋可以減低油膩感。黑松露温泉蛋。簡單配突顥出黑松露嘅香味，食時將温
坐低先送上幾款HOMEMADE BREAD配風乾蕃茄醬。味道酸酸幾開胃。
煙燻北海道八爪魚
20 瀏覽
0 讚好
0 留言
意大利餃子。淡淡嘅野菌混合肉碎及奶油，加上餃皮軟薄。作為略墊肚子嘅一道啱啱好。
波爾多牛肉他他
17 瀏覽
0 讚好
0 留言
墨西哥凍湯
17 瀏覽
0 讚好
0 留言
墨西哥凍湯。又係一道吸睛菜式，湯碗底下放置大量乾冰一方面保持凍湯温度，另一方面增添造型弔起食慾。因為用上蜜瓜／希臘乳酪／青瓜，以飲落酸甜又有少少果香。透心涼嘅感覺幾唔錯。
香煎法國鵝肝
15 瀏覽
0 讚好
0 留言
香煎法國鵝肝。鵝肝煎得啱啱好，兩面焦香而中心軟滑，少少羶味伴以南瓜茸十分可口，而沾上一點旁邊黑醋可以減低油膩感。
黑松露温泉蛋
26 瀏覽
0 讚好
0 留言
黑松露温泉蛋。簡單配突顥出黑松露嘅香味，食時將温泉蛋／松露及芝士攪拌均勻滑溜口感同食緊啫喱無咩分別。當中芝士嘅咸香整道菜點綴不少。
青檸檬雪葩
15 瀏覽
0 讚好
0 留言
進入主菜之前先有一客青檸檬雪葩清一清味蕾，又酸又凍嘅雪葩完全將之前食落嘅各種味道一掃而空。當中番石榴粒及青檸泡更係點睛之作，令整體入口清香不少。
開心果烤澳洲羊鞍
30 瀏覽
0 讚好
0 留言
開心果烤澳洲羊鞍。羊鞍入口細嫩一啲羶味都沒有，配上包裹住嘅開心果碎口感豐富，又帶香口。伴碟嘅芥末醬及蘿蔔果醬都低咗羊鞍嘅油膩感，令到食起上黎無咁飽滯。
香煎智利鱸魚
27 瀏覽
0 讚好
0 留言
香煎智利鱸魚。魚肉煎得啱啱好滑嫩無骨，配上翠肉瓜絲好味又健康。因為瓜絲都算粗身所以掛汁效果幾好，而奶油泡沫令整體香氣更足。即使睇落去好似幾油膩但食完仍覺清爽。
Panna Cotta
20 瀏覽
0 讚好
0 留言
甜品係伯爵茶Panna Cotta及綠茶雪糕伴焦糖拿破倫。前身幼滑奶香又帶點伯爵茶嘅清爽。啱晒配上花茶慢慢品嚐。而後者香脆嘅口感最夾一杯咖啡中和一番。
最後又有五粒都係橙味為主濃淡各異嘅朱古力，讓人飯後一點甜，為滿足嘅一餐劃上句點。餐廳面積不大，都係得四五張枱，比較適合情侶或蜜友相聚。悠靜嘅環境幾令人放鬆慢慢享受美食。
張貼
