Billow

營業中

休息中

朋友推介大埔小白鷺西餐廳，環境優美而且食物唔錯，期待已久，今天就去試下。大埔墟火車站轉小巴行十分鐘就到。環境十分清幽有大大個湖景，裝修得很有情調。店員幫我們安排了近窗的位置，望住個湖景食西餐， 真係賞心樂事。雜菜沙律先上沙律醒醒胃，配芝麻醬加醋，沙律菜非常新鮮爽甜 ，仲有兩片哈密瓜，配起上來特別清新。跟餐麵包好新鮮，仲有微熱， 配搭橄欖油同醋 。燒大虎蝦龍蝦汁扁意粉虎蝦超大隻，雖然得一隻，但好多肉而且好新鮮，仲有三隻中蝦。扁意粉煙韌度適中，剛好每一條都掛滿龍蝦汁， 滿載濃濃鮮味，值得推介。安格斯牛柳封煎鵝肝拼薯蓉加蘆筍牛柳肉質新鮮，油脂比例平均， 唔會太肥，食出濃濃的牛味，封煎鵝肝好甘香， 名副其實外脆內軟，配起牛柳嚟來吃特別滋味。 配菜都唔弱， 露筍蕃薯蓉中和了牛柳的油膩感。煎鴨胸里昂煙肉炒薯仔加菊苣本人覺得呢個煎鴨胸好高質，連皮食一啲都唔覺油膩， 皮脆肉嫩。而配菜方面，菊苣名字好陌生，口感都好特別，苦中帶甜，可值得一試。Tiramisu甜品選擇唔多，只有三款， 試咗tiramisu，水準一般欠缺驚喜。