影片
更多
2019-07-22
93 瀏覽
好朋友生日，由於佢不嬲鐘意食啲特色菜，所以我每年都會做足功課，同佢試啲特別嘢，今年我就搵咗間喺中環嘅米芝連餐廳，食北非&中東菜。門面已經好有特色，充滿異國風情。餐廳入面播住好柔和嘅中東音樂，裝修上用咗大量富有民族色彩嘅瓷磚，吊燈，掛牆畫等。呢到除咗主打摩洛哥菜，仲有中東菜可以選擇，由於宗教文化關係，呢到主要食羊，雞同海鮮。前菜有油浸無核青橄欖，酸酸地好開胃。⭐️Zaaluk $75由烤茄子/蒜/芫荽/新鮮檸檬汁/初榨橄欖油混合而成，口感滑溜，味道甜甜地仲有好濃郁嘅茄子味；附上嘅pita bread中東包，軟熟，好香麥味，夾埋一齊食好正。⭐️Roasted Fresh Fig Salad $105無花果鮮甜，沙律菜新鮮爽脆，配埋黑醋蜜糖汁，清新開胃。羊奶芝士味道濃郁，少少膻，但配上清新沙律，味道變得好有個性👍🏻⭐️Lamb Tagine $190塔吉鍋貌似一個戴咗帽嘅砂鍋，係摩洛哥嘅特色煮食用具，三角圓錐嘅鍋蓋設計，可以令水蒸氣不斷喺鍋內循環，適合慢火細炆，能夠有效鎖住水份同肉汁！羊肉煮得腍身，肉質嫩滑鬆化，肉汁豐富，諗返起都流口水🤤其他配菜蔬菜亦都煮得好入味，羊肉嘅香氣完全滲透哂喺其中！⭐️C
門面已經好有特色，充滿異國風情。
餐廳入面播住好柔和嘅中東音樂，裝修上用咗大量富有民族色彩嘅瓷磚，吊燈，掛牆畫等。
呢到除咗主打摩洛哥菜，仲有中東菜可以選擇，由於宗教文化關係，呢到主要食羊，雞同海鮮。
前菜有油浸無核青橄欖，酸酸地好開胃。
⭐️Zaaluk $75
由烤茄子/蒜/芫荽/新鮮檸檬汁/初榨橄欖油混合而成，口感滑溜，味道甜甜地仲有好濃郁嘅茄子味；附上嘅pita bread中東包，軟熟，好香麥味，夾埋一齊食好正。
⭐️Roasted Fresh Fig Salad $105
無花果鮮甜，沙律菜新鮮爽脆，配埋黑醋蜜糖汁，清新開胃。羊奶芝士味道濃郁，少少膻，但配上清新沙律，味道變得好有個性👍🏻
⭐️Lamb Tagine $190
塔吉鍋貌似一個戴咗帽嘅砂鍋，係摩洛哥嘅特色煮食用具，三角圓錐嘅鍋蓋設計，可以令水蒸氣不斷喺鍋內循環，適合慢火細炆，能夠有效鎖住水份同肉汁！
羊肉煮得腍身，肉質嫩滑鬆化，肉汁豐富，諗返起都流口水🤤
其他配菜蔬菜亦都煮得好入味，羊肉嘅香氣完全滲透哂喺其中！
⭐️Cous Cous with Vegetables $120摩洛哥米cous cous，係摩洛哥嘅傳統主食，米仔細細粒，質感乾身，而且粒粒分明，口感好有趣，飯上面仲有提子乾，一齊食甜甜地得嚟幾有趣；配埋略帶少少酸嘅雜菜湯一齊食，好開胃！
⭐️Oasis Fruit Punch $40
果味天然，酸甜清新。
⭐️Fresh Fruit Smoothies $46沙冰打得幼滑細緻😋
張貼
