影片
更多
2020-06-23
458 瀏覽
我本人都真係幾鍾意食松露😋屋企長期有松露醬，就係鍾意佢嗰陣獨特嘅香氣，在鼻腔揮之不去的。知道尖沙咀有間松露主題嘅餐廳，當然要去試吓啦！打電話預訂嘅時候，知道要一星期後先有位，有啲失望，不過都證明咗呢間餐廳係備受追捧嘅！好嘢當然要等下啦。準時到達，環境好靚呀，就係舒服又簡單嘅裝修，有少少大自然嘅感覺，因為佢個落地玻璃關係啲陽光曬到入嚟，同埋直接睇到海景！連桌上嘅小擺設都係松露啊😃一早上網睇咗Menu，不過問吓侍應生，先知廚師都會根據每日唔同嘅材料，去換Menu嘅，今次嚟到我主要係為咗佢個油鴨髀💓因為本身好鍾意食所以其他嘢都冇乜考慮。叫咗三道菜套餐分別係溫泉蛋、油封鴨腿、是日甜點係一個類似藍莓慕絲嘅嘢。麵包唔好食嘅 😔我好鍾意食麵包㗎。呢個位有啲失望。個牛角包又淋又凍，其他麵包都係麻麻地冇乜口感，長型嗰個合桃提子包又太乾。啲星星係比佢個牛油同埋酸忌廉😔溫泉蛋係配左荷蘭醬，有少少松露片喺面。蘆筍好香，質感爽脆地啱啱好。如果有鬆餅係下便俾我配埋就好，溫泉蛋成隻擺落口唔係咁過癮🤣松露唔太濃味的，只係輕輕香氣 。用蘆筍點啲汁有少少heavy 。終於到主角😍油封鴨腿😍 要特登加$48 㗎，不過我同大
打電話預訂嘅時候，知道要一星期後先有位，有啲失望，不過都證明咗呢間餐廳係備受追捧嘅！好嘢當然要等下啦。
準時到達，環境好靚呀，就係舒服又簡單嘅裝修，有少少大自然嘅感覺，因為佢個落地玻璃關係啲陽光曬到入嚟，同埋直接睇到海景！連桌上嘅小擺設都係松露啊😃
一早上網睇咗Menu，不過問吓侍應生，先知廚師都會根據每日唔同嘅材料，去換Menu嘅，今次嚟到我主要係為咗佢個油鴨髀💓因為本身好鍾意食所以其他嘢都冇乜考慮。
叫咗三道菜套餐
分別係溫泉蛋、油封鴨腿、是日甜點係一個類似藍莓慕絲嘅嘢。
麵包唔好食嘅 😔我好鍾意食麵包㗎。呢個位有啲失望。個牛角包又淋又凍，其他麵包都係麻麻地冇乜口感，長型嗰個合桃提子包又太乾。啲星星係比佢個牛油同埋酸忌廉😔
麵包
8 瀏覽
0 讚好
0 留言
溫泉蛋係配左荷蘭醬，有少少松露片喺面。蘆筍好香，質感爽脆地啱啱好。如果有鬆餅係下便俾我配埋就好，溫泉蛋成隻擺落口唔係咁過癮🤣松露唔太濃味的，只係輕輕香氣 。用蘆筍點啲汁有少少heavy 。
Œuf Mollet
13 瀏覽
0 讚好
0 留言
終於到主角😍油封鴨腿😍 要特登加$48 㗎，不過我同大家講係超抵。佢一嚟到已經香氣四溢啦一切落去係Feel到個皮有Crack一聲咁，哇！好脆嘅。然後入邊啲鴨肉，可以一絲絲用叉扯出嚟，仲係好濕潤㗎！外脆內軟，就係呢啲 吉埋旁邊啲松露片，就有淡淡松露香氣，整體都唔係好濃，其實我期望更加濃味的。
入邊已經夠晒鹹，其實唔需要點樣點旁邊啲醬汁。旁邊啲醬汁都冇乜特別，好似只係鹹鹹地咁，食食吓仲會蓋過晒隔離啲松露片，如果可以轉一轉，做一啲特別嘅醬汁or seasonings，令人哋更加覺得與別不同就好。蔬菜可以更加有心機啲，因為食食吓肉都想食啲蔬菜中和一下。薯蓉中規中矩如果多啲奶味或者加啲芝士會好啲。
會再返嚟食呢個😋
油封鴨腿
23 瀏覽
0 讚好
0 留言
甜品擺盤好靚，但都係普通西餐廳會食到嘅藍莓甜品味，中規中矩吧。黑色嗰啲應該係曲奇碎碎，本身酸酸地再加埋啲曲奇牛油香，咁樣作結不錯，如果個甜品再酸啲更好，可以中和一下啱啱食完飯嘅油膩呀嘛。
是日甜點
20 瀏覽
0 讚好
0 留言
最後當然要喺嗰度，買返兩樽松露醬返屋企啦！好期待下次再過嚟食。希望我上面提及過嘅嘢，下次再嚟嘅時候會有所改善。
張貼
