影片
更多
2016-02-24
732 瀏覽
第一次上黎街市食野，本來專程黎想打邊爐架，點知無囉！行左兩個圈，是但先試試強記啦。點解咁少選擇既？原來全層食肆既 menu 係共用架，比錢都係用同一個 cashier，咁得意？好 friend 喎，估你唔到係百貨公司 management，仲慳左金錢同人手添。堅係花多眼亂、心大心細，都唔知食咩好呀 ﹗潮州打冷、滷水、燒味、廣東小炒、炒粉麵飯、煲仔菜、原盅燉湯，應有盡有，係無打邊爐囉。侍應阿姐落單滷水鴨片？到底鵝片定鴨片呀？叫住 3 樣食住先。滷水鵝片併墨魚，嘩！HKD108 蚊雙併，太貴喇麻，斬到一頸血！我就睇您有幾好食。鵝片 6 片、墨魚片 10 片、油豆腐、花生！份量太少。鵝片味道還可以，有鵝味而帶少少滷水味，但不香甜不嫩滑呢，唔難食，麻麻地。墨魚鮮味嚥韌，唔夠彈又唔夠脆，一般。黑椒炆咸豬手，好期待啊 ﹗以前係大中華食過超讚，超好味！唔知強記出品又係點呢？侍應阿姐行緊過黎，棒住熱辣辣咸豬手到喇。嘩？點解一股濃烈酸宿味直琴埋黎既？好驚呀 ﹗豬皮羶味？黑椒汁壞左？硬係嗅嗅地，非常攻鼻。唔理咁多喇，切開試試咩料先。豬肉味道怪怪的，質地鬆散，皮就唔敢試喇！堅嗅，朋友仔同我都決定放棄，掉埋一
堅係花多眼亂、心大心細，都唔知食咩好呀 ﹗潮州打冷、滷水、燒味、廣東小炒、炒粉麵飯、煲仔菜、原盅燉湯，應有盡有，係無打邊爐囉。侍應阿姐落單滷水鴨片？到底鵝片定鴨片呀？叫住 3 樣食住先。
滷水鵝片併墨魚，嘩！HKD108 蚊雙併，太貴喇麻，斬到一頸血！我就睇您有幾好食。鵝片 6 片、墨魚片 10 片、油豆腐、花生！份量太少。鵝片味道還可以，有鵝味而帶少少滷水味，但不香甜不嫩滑呢，唔難食，麻麻地。墨魚鮮味嚥韌，唔夠彈又唔夠脆，一般。
黑椒炆咸豬手，好期待啊 ﹗以前係大中華食過超讚，超好味！唔知強記出品又係點呢？侍應阿姐行緊過黎，棒住熱辣辣咸豬手到喇。嘩？點解一股濃烈酸宿味直琴埋黎既？好驚呀 ﹗豬皮羶味？黑椒汁壞左？硬係嗅嗅地，非常攻鼻。唔理咁多喇，切開試試咩料先。豬肉味道怪怪的，質地鬆散，皮就唔敢試喇！堅嗅，朋友仔同我都決定放棄，掉埋一邊。點知越凍陣味越勁！侍應姐姐唔該收左去，我地唔食喇！但佢完全唔覺有問題囉。
辣酒煮東風螺，個煲吱吱聲又出晒煙送到，好有氣氛，增加食慾 ﹗大啖索一索，香辣味道直衝腦袋，即刻起動 ﹗辣酒煮東風螺，真係香噴噴啊，帶點宜人酒香氣，流晒口水，正 ﹗好熱啊，挑舊掉落口，炆得夠晒軟腍，香辣味濃厚，完全透徹地浸入螺肉之中。最愛食螺既尾部，質感及味道都似雞潤，好味好味 ﹗如果可以用辣酒汁淥個烏冬或粉絲食就正喇 ﹗
椒絲腐乳炒通菜，唔係水通黎既？唓，失望。依隻旱通邊度鄉下架？非常厚皮，又硬又乾，趙緊麻繩一樣，救命呀 ﹗除左個辣酒煮東風螺非常美味，又香又腍又入味外，其餘既酸縮黑椒咸豬手、乾硬椒絲腐乳通菜、六片鵝片併墨魚百一蚊都十分唔得掂！埋單仲要斬我三百幾，蝕！
滷水鵝片併墨魚
34 瀏覽
1 讚好
0 留言
黑椒炆咸豬手
40 瀏覽
0 讚好
0 留言
黑椒炆咸豬手
27 瀏覽
1 讚好
0 留言
黑椒炆咸豬手
59 瀏覽
1 讚好
0 留言
辣酒煮東風螺
63 瀏覽
0 讚好
0 留言
辣酒煮東風螺
86 瀏覽
0 讚好
0 留言
椒絲腐乳炒通菜
39 瀏覽
0 讚好
0 留言
張貼
