The Coffee Room (已結業)

預左朋友仔遲到，所以就算超過 30 分鐘心情依然平靜。等到呆晒又行到無野再行，唯有是但坐低飲杯咖啡好過啦。剛剛好見到有間 cafe 咪求其叫杯野休息吓，有 Espresso 喎，啱晒。Espresso Pop，可樂溝濃縮齋啡？店員有責任心地收錢前先向我介紹清楚，讚。唔係掛！真係可樂溝濃縮齋啡？無緊要，做食家最緊要有冒險精神！黎就黎啦！有氣齋啡，撞埋有種澀味又帶點薑味，怪怪的！夠難飲實夠晒提神啦，咖啡因上再加咖啡因，數係咁計既，但我只飲到一半，實在有點難入口，唔啱口味。