窩子

營業中

休息中

位於新蒲崗嘅窩子，小店屹立喺舊區多年，以「窩·家」為理念，創作唔同嘅融合料理，十分創新。 慢煮手撕豬腩窩夫三文治第一次食鹹味嘅窩夫，好特別。一絲絲嘅手撕豬腩好腍甜，用醬汁煮到好易入口。話到明係三文治，中間有生菜同蕃茄，增加清新感覺。 日式海鮮大阪燒酥皮薄餅自家製8寸酥皮薄餅，即時製作，熱辣辣又香脆。海鮮大阪燒份量勁多，大阪燒醬都好夠，最鍾意佢有海量木魚，成個薄餅好好味。估唔到酥皮同大阪燒都幾夾，有驚喜。 髒髒提拉米蘇本身以為細細件，原來都幾大份！忌廉芝士一啲都唔吝嗇，又夠滑，酒味都幾出，脆脆餅底增添口感。朱古力粉同脆片營造髒髒效果，香濃嘅朱古力味亦令tiramisu更出色。