新潮樓 (已結業)

近排天氣咁悶熱，諗吓不如食潮州菜，話哂打冷啲菜式唔會熱辣辣，大熱天時食都食得舒服啲，加上餐廳寬敞舒適，菜式夠正宗又好味，真係可以再來食多幾次。今次點左幾款潮州菜，有啲係第一次食，甚有驚喜。 普寧蘿蔔灌漿 : 灌漿係蘿蔔絲加蝦米，用腐皮包住，皮薄炸得脆，蘿蔔灌漿味道很好，每一口都食到一條條蘿蔔絲，很喜歡這款小食。自家製蝦蟹棗 : 蝦棗蟹棗味道都各有特色，兩款都很做得好好味，點上枯仔油，甜甜酸酸將蝦蟹棗鮮味提昇。凍烏頭 : 烏頭大條肉厚，肉質結實彈牙，鮮味十足，點上少許傳統普寧豆醬，啖啖肉好滿足。沙茶牛肉芥蘭 : 沙茶醬調得剛剛好，沙茶味道香濃，唔會太鹹，牛肉好滑好滑，芥蘭亦都爽脆，菜式簡單但食得出用心製作。反沙芋頭 : 呢款甜品極花功夫製作，芋頭炸後再用沙糖不斷翻炒直至反沙，食時外脆內粉軟，係好特別既道甜品。