新潮樓 (已結業)

適逢假期一家人去食，個蠔餅炸到乾到似餅乾，又勁多粉，蠔係有嘅，但唔多而且無咩蠔味蝦蟹棗真係完全顛覆認知，根本就係豬肉丸，完全唔見有蝦肉同蟹肉，蝦蟹味更加欠奉，問返個經理，話係咁整，fine！咁當我唔識嘢啦，我唔係第一次食潮州嘢，咁垃圾嘅蝦蟹棗真係第一次食，仲要唔平，而且得8粒我地7點半去，叫左個48蚊一位嘅湯，叫4位，等完一輪，最後話得返一位份量，仲好意思問我地要唔要，我話唔需要喇，個經理即時黑面另外叫左個方魚肉碎粥，黎到得冬菜同肉碎，完全無方魚，同個staff講，佢就話要經理先處理到，咁啱阿經理先生去左廁所，等左10分鐘左右，返到黎同返佢講，佢睇完話加返d方魚俾我，我當時覺得已經唔想再中伏，就話唔需要喇，麻煩幫我取消，阿經理又再黑面，氣衝衝咁走左去，到埋單時張單就咁掉系我地檯面成餐飯唯一可取係隻燒雞同個海味雜菜煲，你話死唔死？我地係黎食潮州菜呀！唯一合格嘅係一般酒樓都食到嘅菜，咁我做咩黎呢度食飯呢？！

早幾日要去九龍灣展貿做啲嘢，所以晚飯都決定喺嗰邊食埋。見到喺大堂有一間食潮州嘢，所以就依間啦。入到去見到環境都好寬敞，坐落去都覺得係乾淨嘅。店員俾咗QR code我哋自己落單，亦都有比一啲唱牌，我哋睇見到都有唔同嘅菜式同埋套餐。不過因為我同朋友得兩個人，所以就散叫。啫啫蝦乾蝦醬通菜成碟通菜非常之大兜，同時上菜嗰陣時熱辣辣，聞到好大浸蝦醬味，風味十足，令人食指大動。味道方面，除咗有大量通菜同埋蝦乾之外，仲有好多蝦醬同埋肉碎，呢啲肉碎同埋通菜都充滿着蝦醬咸香嘅味道，十分有風味。通菜食落亦都新鮮幼嫩，唔會煮得好老，咬落爽脆。講講個湯，粟米魚肚羹非常之大碗，飲晒真係好飽肚。味道方面，調味適中，打芡打得非常好，唔會話成煲嘢覺得好膠或者太水。值得一讚嘅地方係魚肚非常之大塊，而且口感非常順滑，味道清爽冇腥味。感覺充滿着膠原蛋白，再加埋蛋花，令口感更豐富。佢都有俾埋胡椒粉等食客自己落，所以就唔使怕唔食得辣。芝士蝦球伊麵同樣大碟，蝦球嘅大細都好夠大隻啖啖肉。伊麵嘅芝士汁，亦都好多，令到成個麵都充滿濃郁嘅芝士味，誠意滿分。味道方面，蝦球口感彈牙爽滑，味道清甜。芝士伊麵麵質扁身，口感較軟，所以非常之容易咬開

《高質潮式食堂♥️》———————————————-#新潮樓 🏮-早排去咗九展睇concert，睇之前去搵好野食，呢間主打潮州菜嘅酒樓，環境裝潢優雅，地方闊落，坐得幾舒服😌-🧀 芝士蝦球伊麵都幾大碟，芝士汁鋪滿伊麵，麵質都幾排汁，食落芝士味好香濃，蝦球大大粒又爽口🍤 -另外我哋仲嗌咗碟XO醬牛柳粒，牛柳粒一口size，肉質彈牙🐮 而啫啫蝦乾蝦醬通菜原煲上，好有鑊氣，蝦醬十分惹味🔥-🌱 竹笙北菇燉菜膽味道清甜，質地柔和，裡面有冬菇、竹笙同娃娃菜，飲落好順口，清熱氣一流🥰-⭐ 參考價錢︰（另收加一茶芥）芝士蝦球伊麵：$128XO醬牛柳粒：$148啫啫蝦乾蝦醬通菜：$108竹笙北菇燉菜膽：$48🍌 抵deal 指數：7/10💰 人均消費：$250

地點係有啲偏僻，係九展🥲冇咩事都應該唔會去，不過如果去開睇演唱會or有活動又唔知食咩好，可以去試下中菜🤣🤣 我今次係夜晚去，叫餸食飯!椒鹽中蝦 $168份量比想像中少啲，不過啲蝦又真係幾大隻同爽口。特別係調味，有好多炸蒜同埋椒鹽，超惹味!!!粉絲雜菜煲 $98我都幾鍾意食雜菜煲🤣🤣因為咩菜都有啲，味道口感都好正常，重有啲菇🍄🍄菠蘿咕嚕肉 $108都幾足料， 啖啖肉冇骨。酸甜味都岩岩好👍🏻配白飯一齊就岩曬啦反沙芋頭 $68其實今次係我第一次食反沙芋頭，所以冇咩比較。🥲😶‍🌫️😶‍🌫️不過我都幾鍾意，主要就係有一層溶咗嘅白砂糖包住舊芋頭，所以一咬落去就會食到好甜，入面就係芋頭。芋頭都好綿密😆😆😆

E-max 追鏡仔是常識吧！追完食個潮菜點知有驚喜😽海皇雜菜煲魷魚🦑帶子鮮蝦班冬菇西蘭花，應有盡有！粉絲吸收了食材的鮮味！香煎蠔餅蠔仔多到數不清！每一啖都必定有蠔肉！椒鹽九肚魚外脆內軟，即叫即炸！魚肉鮮甜又juice!滑到不得了！新鮮又好食！火喉控制剛剛好！反沙芋頭有名的潮洲甜品！芋頭肉大大舊！平日晚上來食飯的人不多，靜靜地同屋企人食餐飯，傾吓偈！所有食物即叫即做！上菜快，服務又好！食物質素有保證！不用排隊，都有這麼高質的潮洲小菜食！

我近日到訪了一間空間寬敞，環境舒適的酒樓，感受非常不錯。餐廳的桌子之間距離很大，讓人感到非常舒適，也不會太嘈雜。竹笙北菇燉菜膽湯湯汁非常清甜入味，竹笙和北菇的味道都充分溶入湯中，搭配上娃娃菜，非常容易入口。啫啫蝦乾蝦醬通菜這道菜炒得恰到好處，通菜葉和莖都非常入味，配上蝦醬味道更加濃郁。潮汕梅膏骨每一塊厚切肉都非常入味，潮汕醬汁的甜度和微酸的味道非常開胃。菠蘿咕嚕肉這道無骨的咕嚕肉炒得恰到好處，加上新鮮的菠蘿，讓口感更加豐富。餐牌：

諗住星期日一家人食餐飯，見到呢間好似都幾多人讚，就去食下啦！入到去都發現燈光昏暗，人客都唔多，其實係優點，環境夠靜！但係個冷氣真係唔係好得，中央系統熱到有啲出汗。而食方面，唔知食乜嘢就嗌咗個4人套餐八樣餸試吓，中晒伏！個羹好稀，淡茂茂，用豆腐整冇乜誠意；據聞吊燒雞同埋咩梅骨係招牌最好食，食完我覺得好正常，冇乜驚喜；個蝦球賣相已經好差，仲要勁鹼，調味單調；西蘭花帶子，冰鮮帶子，淡茂茂；個芥蘭淋到阿伯冇帶假牙食都ok ；炒麵線味道都偏鹹，但屬於正常嘅；最後個是日甜品係紅豆沙，仲要係每位得半碗，小弟從來未食過咁稀嘅紅豆沙！成個體驗瞬間極差！真係早知去食大排檔好過呀，埋手單四個人仲要成千蚊

上星期再次去「新潮樓」食晚餐，餐廳好適合同朋友聚餐👬，或同家人慶祝特別嘅日子🎉，都係一個唔錯嘅選擇。首先，我哋叫咗沙茶牛肉芥蘭🥦🥩。沙茶醬香濃，同牛肉嘅口感完美結合，芥蘭嘅爽脆又解油膩，整體來講係一道非常平衡嘅菜。第二道菜係蝦球伊麵🍤🍜，蝦球鮮嫩彈牙，伊麵吸收咗醬汁嘅味道，每一口都係滿滿嘅海鮮風味，好食到停唔到口！再來就係潮汕梅膏骨🍖。呢道菜真係一試難忘，肉質鮮嫩，梅膏焗得恰到好處，微酸嘅滋味可以刺激味蕾！最後，我哋點咗招牌吊燒雞（半隻）🐔。雞肉嫩滑，皮脆口感好，無論係色、香、味都係一流，真係值得一試。總結，「新潮樓」嘅菜式品質一直都保持得相當好👍，服務態度好親切🙏。如果你喜歡嘗試潮汕菜，我推薦你去「新潮樓」一試，我相信你一定會喜歡嘅😊。

啱啱今日喺九龍灣做完嘢，咁就同同事喺呢度食飯，咁見到Emax有間叫新潮樓嘅茶樓，咁就試下其實個場都幾大，而且都有驚喜，大家睇下我食咗啲乜:椒鹽白飯魚：係用新鮮嘅白飯魚煮嚟，外皮裹上椒鹽調味料，炸至香脆金黃。魚肉鮮嫩多汁，椒鹽調味帶嚟香辣嘅風味，同埋配上香噴噴嘅白飯，味道更加豐富。我鍾意食佢嘅香脆口感同埋美味。客家黃酒雞（半隻）：使用半隻新鮮嘅雞煮成，燉煮時加入獨特嘅客家黃酒。雞肉鮮嫩滑嫩，而黃酒嘅香氣完美地融入雞肉之中，帶嚟濃郁嘅味道。XO醬芥蘭鮮魷：呢道餸以新鮮嘅鮮魷炒製，再配上特製嘅XO醬同埋爽脆嘅芥蘭。鮮魷嘅嫩滑口感同芥蘭嘅清脆口感互相呼應，XO醬嘅香辣味道令整道菜更加美味。反沙芋頭：新鮮嘅芋頭製，外酥內軟，口感豐富。芋頭嘅甜味同埋脆口嘅外皮完美結合，帶嚟微微嘅甜味。 作為餐後甜品呢個係一個完美嘅完結。

九展雖然距離地鐵站要行十幾分鐘路程，但呢度有啲名店outlet，前2日同阿媽過咗去行街。本身諗住返德福食飯，但search OpenRice見到有間潮州菜/中菜酒樓，岩曬我呀媽口味。我諗呢度都係做婚宴多，加上位置唔太就腳，所以晚市難免比較靜。茶介 $12/位潮汕梅膏骨 $118豬肉半肥瘦，味道酸酸甜甜好送飯。香煎蠔仔酪 $108同平時食開嘅有啲唔同，呢個蠔餅超級脆，脆到一夾就散開曬，煎得乾身唔油膩。椒鹽白飯魚 $108本身想食椒鹽九肚魚，但果日無九肚魚，所以轉左做白飯魚。除咗有椒鹽之外，仲有啲脆脆嘅菜。雖然唔係好食得出係咩菜，但個口感一流。本身白飯魚冇乜味道，加埋落去一齊食啱晒。

為大家發掘了在九龍灣國際展覽中心看演唱會可以吃什麼！推薦一家主打潮州菜的酒樓 - 新潮樓門口非常有氣派 亦有不同宴會廳環境裝潢優雅高貴 闊落✨非常舒適和放鬆 食物豐富多樣性🥘蒜茸金菇牛仔骨煲 $128牛仔骨骨頭上的肉質非常豐盛再配上香氣十足的蒜茸汁 有驚喜而煲內的金菇更是吸收了精華 非常入味🍤自家製蝦蟹棗 $148潮州傳統小食之一蝦蟹棗是丸類食品內混有蝦肉、蟹肉等等 非常彈牙爽口 棗炸至金黃香脆 一點也不油膩更配上蜜糖 令人停不了口🍲魚肚豆腐羹 $128口感豐富而且非常鮮味的魚肚豆腐羹魚肚爽口配上嫩滑的豆腐味道清香 大人、小朋友都會喜愛🍡反沙芋頭 $68出名的一道功夫菜 較難自家製 只供應晚市 芋頭有8件 每條芋頭都能被沙糖包裹芋頭粉糯 一咬在口中半溶化與外層脆甜的白砂糖融成一體但食落不過甜～

同老友係emax 睇完戲，就在附近醫肚，佢說之前食過唔錯，食潮州菜的叫#新潮樓，真係好耐冇食過潮州嘢，當然和應讚成啦☺️。冬瓜火腩大膳煲，由肥美大膳炮製成，鮮嫩軟滑的口感，火腩同清熱的冬瓜，妏煮得入味，會讓人想多吃幾口。川椒鮮蝦球，蝦球爽口質感彈牙，用秘製醬汁炒很惹味，點埋辣椒油辣辣地很正。潮州炒麵線，咸豬肉很入味，麵線型狀細長如紗似線，口感柔韌咸香，再配上不可少的、芽菜、蛋絲同韭菜等輔料一起炒，都唔錯啊👍。

九展係工廠區附近，平日人流唔算多，所以平日黎絕對冇等位嘅煩惱，呢度除左有戲院同outlet，都估唔到有d幾有水準嘅中菜館🫣「新潮館」主打潮州菜，仲有好多家常小菜選擇，餐廳環境闊落，寧靜又舒服，好啱一家人或一大班朋友聚會👍🏻👍🏻椒鹽鮮魷炸得好脆，炸粉亦唔會太厚，魷魚都幾新鮮彈牙，底下個堆紫菜都一樣有驚喜，鹹又脆卜卜幾香口燒汁蒜片牛柳粒一上到抬已經嗅到蒜片香味，牛柳粒好嫩滑好淋，啖啖肉都吸曬燒汁，青椒中和一下味道感覺冇咁溜海皇雜菜煲健康之選!! 有粉絲 蝦 魚 菇同白菜仔 所有嘢都煲都好淋好淋 吸哂啲魚湯 鮮味十足👍🏻反沙芋頭壓軸出場，唔係個個地方都有得叫反沙芋食，製作需時，係即叫即整嘅功夫菜，熱辣辣上場，外面個層又脆又甜，每條芋條均沾上糖漿，凝固後成雪白硬脆的糖霜，芋頭鬆軟易入口，建議大家一定要襯熱食，真係會食唔停口👍🏻👍🏻

呢間食粵菜嘅新潮樓喺九龍灣嘅九展❤️原來九展都有好多唔同嘅餐廳😝我哋叫咗黃金大蝦、蠔仔酪、鹹魚雞粒炒飯同埋竹笙北菇燉菜膽❤️首先黃金大蝦嘅蛋黃非常香😍而且大蝦好大隻肉質好爽😳💕蠔仔酪就炸得好香 配埋佢比嘅醬汁 酸酸地好開胃☺️鹹魚雞粒炒飯好有鑊氣 炒到粒粒分明👏🏻👏🏻最後一定要推介竹笙北菇燉菜膽，個湯超級清甜 好好飲 而且唔係味精味💕💕💕💕一碗係完全唔夠喉😂😂😂呢間嘅食物質素又真係幾好🥰如果去開九展嗰邊都好推介大家試吓🤍🤍🤍

我係因為見到評分都幾高，所以選擇同屋企人慶祝父親節嘅時候嚟呢度食晚餐可能期望過高，雖然唔算太難食，但係就冇預期中咁好味囉我哋總共叫咗幾樣餸，包括潮汕梅高骨酸酸甜甜，其實好似黑醋骨，不過醋味冇咁強，肉質都算中規中矩椒鹽鮮魷你到呢類型大餐廳對椒鹽鮮魷呢一啲好難煮得唔好食嘅食物就有一定嘅要求，佢就合格以上！黃金蝦未到整體唔錯，揸得好香脆練過學都可以連皮食係非常之方便的！胡椒豬肚湯呢個就有啲失望，因為好淡，胡椒同豬泡味都唔濃郁蠔仔粥蠔仔都幾多幾大粒，食落去都幾包套，味道都唔錯星洲炒米粉想像得到嘅味道，就唔多以解釋