養心殿台式養生鍋 (已結業)

環境惡劣：入口擺晒雜物，冇人歡迎客人入去，到咗都唔知啱唔啱。卒之有人喺地庫叫上嚟，先至知道入三點。要坐長凳仔，張凳硬骨骨，坐得好唔舒服。食物惡劣：養生火鍋湯底無味，個湯等咗半個鐘都煲唔着。叫首設牛肉賣晒，叫雪花牛肉諧霎霎冇厘味道。皇帝菜嚟到濕晒，好似洗咗喺度一日擺咗成個禮拜。服務態度惡劣：我7:00pm 開始食飯， 8:40 PM買單，佢突然話7:30前買單可以用現金俾錢有七折。問佢點解唔早啲講，一個態度極差嘅阿婆經理理直氣壯話：餐廳系統唔俾，就算佢有同我講，我都食唔到咁快啦。簡直係荒謬。結論：非常失望，千祈唔好去。