影片
更多
2007-09-11
11 瀏覽
9月9日(星期日)午飯時間, 與朋友一行四人到此進餐。order如下:兩個咖哩牛肉飯(散叫) + 凍OT一個葡汁雞飯(散叫) + 凍OT (少甜)一個喇沙午餐我的朋友叫喇沙午餐時, 問後生男侍應有冇餐湯, 他說"有", 仲問紅湯定白湯。我的朋友說"白湯"。我見男侍應落單時有點神不守舍, 刻意和他confirm 落咗咩單兩次之多。他亦有覆單, 無誤。20分鐘過去了, 什麼也未到。我的朋友於是追單, 一名後生女侍應面帶笑容走過來, 我們說等了20分鐘, 先來飲品和餐湯也可以吧? 她第一時間拿紙筆出來, "你地想要咩湯? 凍OT幾多杯?"有點重新落單的感覺。5分鐘後, 飲品和湯到。再過兩分鐘, 當我的朋友將湯飲到一半時, 另一名感覺上年資較深的女侍應走過來, "不好意思, 你叫的湯不跟餐"。我的朋友答辯"但我落單時問過, 那位男侍應說餐會跟湯"。她嘗試企梗"但係我地真係冇湯跟餐",講完仲望住我地, 真係佛都有火, 唯有問"咁妳覺得宜家應該點?"她想了想, 便很苦惱地走開。我們嘗試提他們食品已經差不多30分鐘仍未到, 但他們幾個侍應聚在一旁, 忙不迭地專心研究餐湯問題。片刻, 完先落單的男侍應
order如下:
兩個咖哩牛肉飯(散叫) + 凍OT
一個葡汁雞飯(散叫) + 凍OT (少甜)
一個喇沙午餐
我的朋友叫喇沙午餐時, 問後生男侍應有冇餐湯, 他說"有", 仲問紅湯定白湯。我的朋友說"白湯"。
我見男侍應落單時有點神不守舍, 刻意和他confirm 落咗咩單兩次之多。他亦有覆單, 無誤。
20分鐘過去了, 什麼也未到。我的朋友於是追單, 一名後生女侍應面帶笑容走過來, 我們說等了20分鐘, 先來飲品和餐湯也可以吧? 她第一時間拿紙筆出來, "你地想要咩湯? 凍OT幾多杯?"有點重新落單的感覺。
5分鐘後, 飲品和湯到。
再過兩分鐘, 當我的朋友將湯飲到一半時, 另一名感覺上年資較深的女侍應走過來, "不好意思, 你叫的湯不跟餐"。我的朋友答辯"但我落單時問過, 那位男侍應說餐會跟湯"。她嘗試企梗"但係我地真係冇湯跟餐",講完仲望住我地, 真係佛都有火, 唯有問"咁妳覺得宜家應該點?"
她想了想, 便很苦惱地走開。我們嘗試提他們食品已經差不多30分鐘仍未到, 但他們幾個侍應聚在一旁, 忙不迭地專心研究餐湯問題。
片刻, 完先落單的男侍應衝過來, 拋下一句"得, 我宜家幫你攪掂佢" 便一手將朋友的湯拿起! 當時我朋友仍手拿著湯匙, 我急忙截停男侍應, 喝問他在做什麼, 為什麼將客人飲到一半的湯拿起。他呆站著約3-5秒, 然後理直氣壯地謂:"宜家我要自己俾錢賠這碗湯, 咁碗湯係咪應該屬於我架!?"
去到此刻, 什麼火也起, 食欲亦早已全消, 只感氣憤難平, 食物又叫極不來, 空坐著為一碗湯不停受氣, 同佢講即時埋單, 並嚷著要見經理。這時那位中年女經理始肯死出來, 問咩事。真係頂佢個肺, 一直躲在一旁宜家仲要扮唔知咩事。向佢道出情況, 佢語帶輕挑地話"得啦, 我宜家俾你飲, 碗湯送俾你!"愈聽愈嬲, 只嚷著要埋單。她說"你冷靜D先, 可能D食物已經準備好呢?" 差點氣昏, 頭先係咁追單又冇人理, 宜家講D咁嘅說話我聽。話口未完, 全部食物衝衝送上, 唯有死死氣氣食埋先走。
食完叫埋單, 此時留意到鄰桌食客比我們早到, 食物卻仍未到!只因我們大叫大嚷, 他們就先服務我們。
這是什麼服務?什麼管理制度? 問題不是只出於那位後生男侍應,正常管理下, 如此質素的侍應根不不應該仍在那裡工作;那位女經理低俗地認為,公司願意賠湯我們便應該下了氣, 始終不明白問題所在。而事實係, 最後張單依舊CHARGE 我們那碗湯的價錢, 要我們其後再次投訴先被減去。
咁嘅一餐, 最後價錢係$340。南亞是老字號, 價錢有返咁上吓, 但已往位於密地臣街嘅舊店根本不是這回事, 侍應全用上老手, 話頭醒尾; 不會用上這些毫無經驗和訓練的後生人。本人於那一區長大, 廿多年的記憶中這個鋪位的食肆都做不長久, 希望南亞如果不是混水摸魚的話, 好好檢討不要自拆40年辛苦建立的招牌。
張貼