漢寶皇宮酒樓 (已結業)

前日男友和我到漢寶皇宮晚飯，心諗"舊式酒樓，有咩好食"到達酒樓時，外觀好新淨，10分俾8分(因為樓底矮了一點)但感覺不錯。男友點了澳洲龍蝦刺身，嘩，2斤半龍蝦盛惠$800，不過真係好正，龍蝦肉放在雪山上，入口清涼、鮮甜、彈牙，一個字"掂"！跟著果個經理重送埋"上湯頭爪連生麵底"，好好食，一向食開芝士焗伊麵，估唔到原本生麵仲好，龍蝦吸收哂D上湯，完全帶出和龍蝦刺身不一樣的鮮，配合爽脆的生麵，真的絕配。淨係吃了這個極品搭配澳洲龍蝦已經飽了8成，想不到話口未完待應已端上羌蔥澳洲大肉蟹($148/只)。原先男友落order時叫清蒸，但經理話澳洲蟹特點是肉多味淡，建議用羌蔥煮。肉蟹大大隻，廚房利用中式羌蔥煮法，味道配搭恰到好處，令人拍案叫絕。最後上為海班(1斤半，$380)，食海魚真的無話可說，肉滑鮮嫩。飽吃這頓極品魚蝦蟹海鮮宴，合共$1,500。雖然貴D，但總比去西貢抵，物有所值。