甜一刻

營業中

休息中

香港大把甜品店，但係款多好食真材實料黃店價錢親民真係好稀有，夾更要講佢既缺點的話，就係對我黎講太遠同埋要等到佢四點先營業。我果日同朋友大約四點半到到，已經有五六個學生食緊，就諗有學生黎食既應該唔會差得去邊。之後睇下個餐牌，嘩～好多野食，久違既興奮感。佢淨係刨冰我係咁咦睇下已經有８到９種味，仲有榴槤甜品、芋圓同紫薯甜品（呢Ｄ甜品好少係同一間店同時出現同埋通常唔平），再望下個價錢，最盡都係５十幾真係好抵。我同朋友一個叫冰一個叫芋圓冰，淨係睇賣相已經覺得好好食。佢上面個紫薯唔係紫薯雪糕，係真係紫薯整成蓉再整到個波咁，下面係榔汁冰，一個甜一個唔太甜既組合味道岩岩好，加埋Ｄ芋圓既口感係超好食。粉紅兵團唔洗講真係好可愛，同埋比想像中大份，同埋估唔到後面有Ｄ小丸子既野，所以食落好有滿足感。我諗呢間店如果係晚市一定超好生意，真係好想佢開多幾間分店等其他區既人都可以食到高質甜品。