金源燒腊茶餐廳

營業中

休息中

今晚依然夜放工，回到紅磡已近10點，成條街都幾冷清，唯獨仲有幾間食肆燈火通明，尤其係呢間更是座無虛席，因為門口以煲仔飯招徠。正想離開老細話隔籬鋪位都係佢地，個邊比較人少，坐落叫咗個膶腸雞煲仔飯（$30），即叫即煲，等咗十零分鐘就到都算快，食煲仔飯應該唔好立即揭蓋俾佢焗十分八分鐘，等D飯收番乾水就唔會太濕或者生米，因為太餓認唔著唔夠五分鐘就開蓋，D飯果然太濕而且仲有少少生米，非戰之罪唔可以怪人只怪自已心急。價錢雖平但材料唔少，雞都好多件但係無乜味，膶腸好香但好多肥豬肉，仲有菜同冬菇，食到尾仲有驚喜因為有飯焦。其實都好滿意，不過有位阿姐要趕收工，不停催趕食客，有D客食完想睇吓電視都俾佢鬧，叫人唔好阻佢收工，佢話已經做咗12個鐘乜都夠喇！阿姐唔好以為淨係得你辛苦，我都朝九晚九啦，今時今日應該俾D心機做，唔好同老細趕客，到無客個時你想做都無得你做。