浜松水產 (已結業)

見呢間有做龍蝦，象拔蚌刺身。去試菜。入門口燈光偏柔和，音樂同人聲嘈到講野都要大聲啲。。當時7點鬆入座。未齊人就研究食乜。咁邊等邊食。叫咗3隻生蠔（唔講唔為意等咗3個字先上枱）。有個似話到事嘅女人講如果嗌 龍蝦，象拔蚌 係即叫即整會耐啲。咁未齊人就緊係唔叫住啦。話哂都新鮮野。7點半齊人嗌咗個象拔蚌刺身極盛（任你點雕點切，頂多半粒鐘。）。個場雖8成滿但走下一枱走下一枱，等下又等。8點3。等咗9個字都未有刺身食。已經餓。未刺身點食熟野啊。問個女人。。佢都好語氣話 ：［因為即整關係會耐啲］。係嘅，我明。佢下一句擦著火喇：［因為多單，我地得2個師傳，你地張單排緊，未處理。］嗌一個刺身等9個字仲要係排緊未處理。係一個乜野概念？到8點25分個女人話抽咗處理我地個刺身先。叫我地可以嗌熟食先。會快啲。我答佢唔會嗌架喇，刺身都可以等咁耐，要煮嘅我更加唔會期望。8點35分 刺身上枱。4個字形容 ［無乜特別］。食完埋單轉場。。。後話。刺身師傅？ 我覺得似臨時拉夫返黎。我見識少。未見過有師傳係會將伴碟嘅草啊絲啊檸檬放係刺身上面 禾稈冚珍珠。亦未見過象拔蚌係件上，唔係片。可能hea 我地趕上枱啦。