松記糖水店

營業中

休息中

喺佐敦食完晚飯，想食個甜品😋。又唔想行到咁遠去尖沙咀厚福街食，所以就喺佐敦搵左間松記糖水食。見到門口冇乜人，所以就可以唔使等位入了，但入到去要同人搭枱。🙈三個人其中一個要坐係條通道度。叫嘢食個陣，我就一如既往叫我最鍾意食嘅朱古力心太軟❤️，佢呢度個價錢40幾蚊🤔都叫中位價正常啦。不過個size就偏細🙈，味道就正正常常冇乜特別。👌🏻不過服務就麻麻😔，好似成日想趕人走咁。已經坐得唔係幾舒服㗎啦，😣食糖水梗係想慢慢食傾吓計。但嗰個環境係侍應好似想趕你走咁。可能佢哋多大陸人生意啦。😓我諗下次我都係去返尖沙咀食糖水了。🙈不過我見到佢外賣自取會有discount, 我諗佢真係唔係俾人傾計食野。