龍麵館 (已結業)

龍肉撈麵 SET $219 （麵麵單叫$159）呢個撈麵既麵質無得輸，麵身唔知算唔算叫彈牙，但十分煙韌有嚼勁，加上完完全全吸入晒龍蝦湯既精華，超鮮超濃超好味。龍蝦肉就冇特別，不過不失。可能我餓底，覺得唔夠食，份量好細。點心拼盤$0 （跟餐先有）鳳眼海鮮蝦餃 – 同半蝦半蟹餃差唔多味，冇特別。牛肝菌粉果 – 超好味，牛肝菌好香。蜜汁叉燒包 – 好普通，是但一間普遍酒樓都食到既質素，餡料少。龍蝦酥$75一隻（最少叫２隻）基本上係桌桌必點的，睇得又食得。一上桌我笑左出來，真係可以假亂真！太像真！其實味道唔錯，滿滿既龍蝦餡料，混入左少少爽脆既馬蹄粒。好可惜，唔夠熱。半蝦半蟹餃$66普普通通，但ｄ餡太爛太蓉，冇咩咬口，口感只係靠個餃子皮。不過不失咁。呢間食店裝潢有濃厚中國風情，格局唔錯。不過叫埋單叫左５次都冇人理，Ｄ員工掛住傾計，真係……唔知呢….可能我冇耐性？哈哈，我改下呀。