陳根記 (已搬遷) 新店位置

想食大排檔往往會想起陳根記,地方大菜色多,但要自己搵位,最好18:00前去到拎位先,今日17:45已經坐滿一大半人,如果坐滿就要企系枱隔離等人走,侍應超忙想要快最好跑去找他們,落單要自己寫完先比,啤酒要去另一個位買,*麻辣瀨尿蝦,小麻辣有豆卜,唔錯。*海蜇手撕雞,附上好似白醋酸酸加辣汁,好開胃,好味。*香煎腐皮卷,附上喼汁,好脆皮呀又唔會煎到乾哂,我食左5件。*椒鹽肉排,夠味,不過肉質再淋d就好。*魚香茄子煲,細煲,好碎既茄子,無咸魚香味,好似唔覺有肉碎,可以唔洗叫。(上次食蠔餅超好食,今次無叫,大家可以試下)甜品系收銀處旁邊的買,外脆內冰凍的芒果。