阿佳拌麵 (已結業)

我本身試過葵芳廣場果一間，嚟到西九見到，又來試吓呢一間先。今次叫咗唔同嘅嘢食。員工都係台灣人嚟㗎。🐔鹽水雞拌麵- $35雞肉偏瘦，主要應該係雞胸肉。個拌麵好夠味，同埋個雞食都幾夾。🍢爆汁貴妃雞肉卷 - $22一咬開真係好多汁，而且好實用，雞肉又夠入味。🍡烏來烤肉腸 - $22 好耐冇食台灣腸，都幾掛住佢個味道，個皮脆脆地，入面嘅肉就甜甜地。🦑古早現燙魷魚 - $30正常嘅燙魷魚，食得多炸嘅魷魚，依個都係唔錯嘅選擇。🐮台灣牛肉拌麵 - $35牛肉一咬就開，而且入味。執鞭仲有啲配菜，唔使剩係得牛肉咁單調。