鳴越越式料理

營業中

休息中

今日黎到中環想欣賞聖誕既燈飾 一邊尋覓進食晚餐既好地方！自從之前去完越南食過正宗既越南河之後番到香港一直念念不忘好想再食 所以今次就黎左呢間位於中環既越南餐廳！越南生牛河一片片既主角生牛肉放既時間好好 完全冇因爲放得太耐而變熟非常新鮮 選用既係較瘦既牛肉 所以牛肉嘅牛味好重 湯底食得出用上左大量既牛骨淆製湯底 所以既鮮甜又濃味 配埋軟滑既河粉超滿足 呢碗生牛河好正宗！安南炸蝦餅蝦餅預先切好一件件方便進食 好欣賞下班炸得好乾身所以食既時候覺得唔會好油膩 蝦餅蝦味好重同埋非常之彈牙仲會有粒粒蝦肉 蝦餅面頭加咗嘅炸蔥粒配搭蝦餅一齊食味道會更加提升香茅豬扒撈檬香茅豬扒好厚身juicy 調味得岩岩好 每一片都散發住香茅香料嘅味道 配料青瓜絲蘿蔔絲切得好幼細加埋花生碎口感會非常豐富