小火焰韓式咖啡廳 (金山樓) (已結業)

想食左好耐嘅小火焰~終於食到啦😍見到餐牌啲二人餐好抵食但由於我同朋友都係雀仔胃，所以都係散叫 唔好做大嘥鬼啦😀平時食開嘅炸雞都係果啲口味，今次就見到唔常見嘅味就一於嗌黎試下-蜂蜜提子脆米炸雞-蜜糖加提子有啲甜，好彩有個脆米中和一下，同埋三樣野加埋都好夾，我好喜歡呢個炸雞海鮮石鍋炒飯-非常不錯，食到最底仲有飯焦😆好似食緊煲仔飯咁，不過如果有多少少醬汁加埋落去撈我諗會更好，而家係純粹炒飯底- 糯米糍3.6牛乳雪花冰-好出色！因為我本身好鍾意食糯米糍，我想話佢個糯米糍真係好好食，淡淡雪花冰加埋啲阿華田粉(?)個甜度就岩岩好啦，呢個絕對係可以翻兜嘅甜品嚟！