蘇媽.蘇媽馬來西亞茶餐室 (已結業)

一直都留意到蘇媽蘇媽長期都有人龍，今日特登午飯時間嚟食，等咗大概10分鐘。兩個人叫左椰香咖央多士、辣死你媽牛肉飯同早知你啦薄餅配珈喱。首先講左個咖央多士先，真係香港食唔到嘅味道，班蘭椰香餡加烘到啡色嘅香脆多士🤤，見到個樣已流晒口水，食落好味到呢。辣死你媽牛肉飯個飯先係重點，綠色嘅椰漿飯真係好香，要一啖啖飯沾點辣汁一齊食，辣同椰香再加埋花生同魚仔，辣汁同椰漿飯互相輝映，真係覺得邊個可唔以叻到咁諗到咁食。薄餅配珈喱呢個又係估唔到咁好食，馬來西亞嘅珈喱除了夠晒辣外，重有好豐富的香料味，加埋脆卜卜的薄餅，正到呢🤤