餃掂手工餃子雲吞專門店

好多年前食過餃掂既煎餃子，印象中係幾好食的，多年後再次食，感覺完全唔係嗰回事。叫咗個午市套餐，粟米豬肉餃子加麵，再加3蚊加左3隻雞翼，成個套餐加埋60幾蚊，午餐嚟講係合理嘅，但係冇一樣食物係我覺得好味，餃子皮厚，餡係完全冇味，豬肉加粟米都完全食唔出味，要自己加醋或豉油或者其他醬汁，湯底又唔知咩湯黎，同餃子同麵完全都唔夾，去其他餃子店食，次次都會將碗湯飲到一滴不剩，3蚊有3隻雞翼好吸引，諗住加嚟試吓啦，已經係蜜糖雞翼，係好重蜜糖味，但同時亦都好重雪藏怪味，令人好失望既一餐午餐。