影片
更多
2022-05-02
798 瀏覽
見到喺村幾特別，一心諗住去食泰國菜，點知想食嗰間冇開，無奈地只好入呢間。夜晚7點，去到等位。等位講咗兩位，入到去又問你幾位。坐低睇完menu叫佢落單，店員竟然話：「我唔得閒，你自己寫！」之後就比張白紙我。 寫完又問我咩咖喱….青咖哩豬，寫到咁清楚都問，我都唔知講咩好！隔離檯就幫佢落，可能我後生啲，覺得我識自己寫🤷🏻♀️🤷🏻♀️🤷🏻♀️ 先上菠蘿炒飯，同相片都差好遠！菠蘿炒飯無味，所謂嘅海鮮有一兩粒蝦仔左右啦。冇幾耐個咖喱到咗，所謂嘅豬係豬頸肉。咖喱味道正常，配料有翠玉瓜及紅蘿蔔粒，似食緊中式多個泰式料理。但係叫咗個蒜蓉包食到最尾都未到。之後就到蝦餅，蝦餅新鮮整起熱辣辣，味道算唔錯，係全餐最好食嘅一樣。上枱嘅時候連醬汁都冇，又要問佢拎先有。追咗兩次個蒜蓉包之後先同我講蒜蓉包賣晒。唔一早講，唔通我叫個咖喱嚟飲咩？無奈地咖喱凍哂又冇蒜蓉包，只好叫薄餅。雖然都知一定唔好食，但係都係唔想個咖喱浪費咗。個薄餅都係Hea Hea地，勁多油，唔好食。食食吓仲有隻昆蟲物體喺度遊走… 大大扣分！都好耐冇食過一間咁差嘅餐廳，服務真係差到冇朋友，貼錢買難受。食到一肚氣，食物又唔係好食，真係black list
見到喺村幾特別，一心諗住去食泰國菜，點知想食嗰間冇開，無奈地只好入呢間。夜晚7點，去到等位。等位講咗兩位，入到去又問你幾位。
坐低睇完menu叫佢落單，店員竟然話：「我唔得閒，你自己寫！」之後就比張白紙我。 寫完又問我咩咖喱….青咖哩豬，寫到咁清楚都問，我都唔知講咩好！
隔離檯就幫佢落，可能我後生啲，覺得我識自己寫🤷🏻♀️🤷🏻♀️🤷🏻♀️
先上菠蘿炒飯，同相片都差好遠！菠蘿炒飯無味，所謂嘅海鮮有一兩粒蝦仔左右啦。
冇幾耐個咖喱到咗，所謂嘅豬係豬頸肉。咖喱味道正常，配料有翠玉瓜及紅蘿蔔粒，似食緊中式多個泰式料理。但係叫咗個蒜蓉包食到最尾都未到。
之後就到蝦餅，蝦餅新鮮整起熱辣辣，味道算唔錯，係全餐最好食嘅一樣。上枱嘅時候連醬汁都冇，又要問佢拎先有。
追咗兩次個蒜蓉包之後先同我講蒜蓉包賣晒。唔一早講，唔通我叫個咖喱嚟飲咩？無奈地咖喱凍哂又冇蒜蓉包，只好叫薄餅。
雖然都知一定唔好食，但係都係唔想個咖喱浪費咗。個薄餅都係Hea Hea地，勁多油，唔好食。食食吓仲有隻昆蟲物體喺度遊走… 大大扣分！
都好耐冇食過一間咁差嘅餐廳，服務真係差到冇朋友，貼錢買難受。食到一肚氣，食物又唔係好食，真係black list！中伏！
另外，見到唔少人叫外賣聽佢講等咗一個鐘多真係好可憐。
張貼
